မိုဇီလာက စမတ်ဖုန်းကို ထုတ်လုပ်နေပြီ

“စမတ်ဖုန်း တိုက်ပွဲခေတ်” လို့ ဆိုရလောက်အောင် မိုဘိုင်းဖုန်း ကုမ္ပဏီတွေကနေ စမတ်ဖုန်းတွေကို အပြိုင်အဆိုင် ထုတ်လုပ်နေကြတယ်။ တစ်ဦးထက် တစ်ဦး ဈေးကွက် အသာရဖို့ ရည်မှန်းပြီး ခေတ်မီသထက် မီအောင် သစ်ဆန်းသထက် သစ်ဆန်းနေအောင် မိုဘိုင်းဖုန်းတွေမှာ နည်းပညာတွေ တိုးချဲ့ အသုံးပြုလာကြတယ်။ 

မိုဘိုင်းဖုန်းတွေကို တစ်စိုက်မတ်မတ် ထုတ်လုပ်နေတဲ့ နိုကီယာ စတဲ့ ဖုန်းကုမ္ပဏီတွေ သာမကပဲ ၀င်းဒိုးဖုန်းလို့ ခေါ်တဲ့ ၀င်းဒိုး စနစ်သုံး စမတ်ဖုန်းကို မကြာခင်ကမှ ဂူဂဲလ်ကုမ္ပဏီကနေ ထုတ်ထုတ်ခဲ့ပြီ ဖြစ်တယ်။ အခုတစ်ဖန် ၀က်စ်-ပရောက်ဆာလို့ ခေါ်တဲ့ အင်တာနက်သုံး စာမျက်နှာ ရှာဖွေရေးကို တီထွင်နေတဲ့ မိုဇီလာ ဖိုင်ယားဖော့စ် (Mozilla Firefox) က စမတ်ဖုန်းလောကမှာ အခြေချလာပြန်ပါပြီ။

ဒီကုမ္ပဏီကနေ ဂူဂဲလ်ရဲ့ အန်ဒရိုက် စက်လည်ပတ်မှု စနစ် (Android OS) ကို အတိအလင်း စိန်ခေါ်မယ့် စမတ်ဖုန်း လည်ပတ်မှုစနစ်ကို ထုတ်လုပ်တော့မယ် ဆိုပဲ။ ဒီစက်လည်ပတ်မှု စနစ်ကို B2G လို့ နာမည်ပေးထားတယ်။ B2G ဆိုတာ Boot to Gecko ရဲ့ အတိုကောက် အသုံးအနှုန်း ဖြစ်ပြီး အိစ်ဂ်ျတီအမ်အယ်လ်ကို အခြေခံထားတဲ့ အိုပင်းန်ဝက်စ် စနစ်တစ်ခုပါ။ ဘရာဇီးနိုင်ငံက တယ်လီဖွန်နီကာ နက်ဝေါ့က်နဲ့ ချိတ်ဆက်ပြီး အသုံးပြုဖို့ စတင် စိုင်းပြင်းနေတယ်။

မိုဇီလာရဲ့ စမတ်ဖုန်း ပုံစံ

ဘရာဇီး ၀ပ်ဆိုက်တစ်ခုကနေ ဒီသတင်းကို ဖော်ပြခဲ့တာ ဖြစ်ပြီး ဘယ်တော့ ထုတ်လုပ်မယ်ဆိုတာကိုတော့ အတိအကျ ဖော်မပြထားသေးပါဘူး။ ၂၀၁၂ ခုနှစ်အကုန် ၂၀၁၃ ခုနှစ် နှစ်ဆန်းပိုင်းမှာ ထုတ်လုတ်မယ်လို့ အချုိ့ဝက်ဆိုက်တွေက ခန့်မှန်း ဖော်ပြထားပါတယ်။ ဒီစမတ်ဖုန်းကို မိုဇီလာ ဒစ်ဂျစ်တယ်ကုမ္ပဏီနဲ့ ဘရာဇီးက တယ်လီဖွန်နီကာတို့က ပေါင်းထုတ်လုတ်မယ်လို့တော့ မိုဇီလာရဲ့ စီဂျီးအို ဖြစ်နေတဲ့ မစ်စတာ ဂရေးကိုဝက်ပ်ရဲ့ ပြောစကားကို စာနယ်ဇင်းသမားတွေက ကိုးကား ဖော်ပြထားကြလေရဲ့။

“ဒီစနစ်ကတော့ အိုပင်းန်ပလက်ဖောင်း စနစ်ပါ။ အသုံးချဆော့ဝဲလ် အများအပြားကို အသုံးပြုနိုင်မှာပါ။ အများသုံး ဘရောက်ဆာလိုပဲ အခုလက်ရှိအသုံးပြုနေတဲ့ ပုံစံအတိုင်းပဲ အင်စတောလ် လုပ်လို့ရမှာပါ။ အများနဲ့မတူတဲ့ အထူးပြုချက်ကတော့ ၀က်ပ်-တပ်ဂ်ျတွေကို အဆင့်မြင့်မြင့် အသုံးပြုနိုင်ပြီး၊ ကနေ့ သုံးနေကျ ၀က်စ်ပရောက်ဆာလိုပဲ အပ်စ် (Apps) တစ်ခုနဲ့တစ်ခုကြားမှာ ပလက်ဖောင်းတစ်ခုကို ပိတ်စရာ မလိုပဲ အလိုအလျှောက် တိုက်ရိုက် ချိတ်ဆက် အသုံးပြုနိုင်မှာပါ” လို့ ဂရေးကိုဝက်ပ်က ပြောထားတယ် ဆိုပဲ။

ဘရာဇီးရဲ့ တယ်လီဖွန်နီကာ နည်းပညာအရာရှိချုပ် မစ်စတာ ပပ်ပလိုလာရီယက်စ် ပြောတာကတော့ “ဒီ B2G ကို အိုပင်းန်အရင်းအမြစ် အနေနဲ့ ပြီးပြည့်စုံတော့မယ်၊ ပုံစံအသစ်နဲ့ ပထဦးဆုံး ထွက်လာမှာပါ၊ ဒီစမတ်ဖုန်းကို ဘရာဇီးနိုင်ငံရဲ့ ဥပဒေအတိုင်း အန်လော့ဂ် (unlocked) စနစ်နဲ့ စတင် ရောင်းချမှာပါ” တဲ့။

၂၀၁၁ ခုနှစ် ဇူလိုင်လကတည်းက ဒီ B2G ကို ထုတ်လုပ်မယ်လို့ မိုဇီလာက ကြေငြာခဲ့တာပါ။ ဂူဂဲလ်ရဲ့ လက်ရှိအသုံးပြုနေတဲ့ အန်ဒရိုက်စနစ်သုံး စမတ်ဖုန်းထက် သာလွန်တဲ့ စက်လည်ပတ်မှုစနစ်နဲ့ ထုတ်လုပ်မယ်ဆိုတဲ့ ရည်ရွယ်ချက်နဲ့ပါ။ သို့သော် အခု ၂၀၁၂ ခုနှစ် နှစ်ဝက်တောင် ကျိုးတော့မယ့်အခြေအနေမှာ ဒီ B2G စမတ်ဖုန်း ထွက်လာမယ့်လေသံ တစ်စွန်းတစ်စ မကြားရသေးပါဘူး။

ဒီဧပြီလ ၂၀-ရက်နေ့ထုတ် သတင်းတစ်ပုဒ်မှာတော့ မိုဇီလာရဲ့ B2G စမတ်ဖုန်းက ၂၀၁၃ နှစ်ဆန်းပိုင်းမှ ဘရာဇီးမှာ စတင်ရောင်းချမယ်လို့ ဖော်ပြခဲ့တယ်။ ကုမ္ပဏီရဲ့ လူ့အင်အား နည်းပါးနေတာရယ်၊ ထုတ်လုပ်မှု အဆင့်အဆင့် နှေးကွေးနေတာရယ်ကို ထောက်ဆတဲ့အနေနဲ့ ၂၀၁၃-ခုနှစ် နှစ်ဆန်းပိုင်းမှာတောင် ထုတ်လုပ်နိုင်ပါ့မလား အချုိ့ကတော့ သံသယ ၀င်နေဆဲပါ။

ဘာပဲပြောပြော စမတ်ဖုန်း အသစ်အဆန်း ထွက်တိုင်း သုံးမယ်လို့ချည်း ရည်ရွယ်လိုသူများ၊ အခုမှ အထူးအဆန်းကို စမ်းသပ်မြည်းကြည့်လိုသူများ အတွက်ကတော့ စောင့်မျှော်ရုံမှတစ်ပါး အခြားမရှိတော့ပါ။ စောင့်လေ မောလေ မဖြစ်ဖို့ရာ B2G စမတ်ဖုန်းသတင်းကို နားစွင့်နေဖို့ လိုကြောင်းလည်း သတိပေးထားပါရစေ..။

ဖုန်းဝေါဟာရ ရှင်းလင်းချက်
၁။ စမတ်ဖုန်း = အင်တာနက် ချိတ်ဆက် အသုံးပြုလို့ရတဲ့ ဖုန်းမှန်သမျှကို “Smartphone” စမတ်ဖုန်းလို့ ခေါ်ပါတယ်။

၂။ အန်ဒရိုက် = လင်းနက် (Linux) လို့ ခေါ်တဲ့ ကွန်ပျူတာ အသုံးပြု နည်းပညာကို အခြေခံထားပြီး ဂူဂဲလ်ဝက်ပ်ဝက်ပ်ဆိုက်နဲ့ တွဲပြီး ထုတ်လုပ်ထားတဲ့  ဖုန်းအသုံးပြု စက်လည်ပတ်မှုစနစ် တစ်ခုရဲ့ နာမည် ဖြစ်တယ်။ “Android “ ရဲ့ မူလအမည်ကတော့ စက်ရုပ်ကို ခေါ်တဲ့ ဝေါဟာရပါ။

၃။ အိစ်ခ်ျတီအမ်အယ်လ် = ကွန်ပျူတာ နားလည်တဲ့ ဘာသာစကားဖြစ်တဲ့ HyperText Markup Language ကို “html” လို့ အတိုကောက် ခေါ်တာပါ။ ဘလော့ဂါသမား၊ ၀က်ပ်ဆိုက်သမားတွေ သိတတ်ထားရတဲ့ ပညာရပ်တစ်ခု ဖြစ်တယ်။

၎။ ၀င်းဒိုးဖုန်း = ကွန်ပျူတာတွေမှာ သုံးနေတဲ့ ၀င်းဒိုးရဲ့ စက်လည်ပတ်မှုစနစ်အတိုင်း တီထွင်ထားတဲ့ ဖုန်းလည်ပတ်မှုစနစ် မှန်သမျှကို “Windows-phone” ၀င်းဒိုးဖုန်းလို့ ခေါ်ပါတယ်။ Windows7 ကို အခြေခံ တည်ထွင်ထားတဲ့ ဖုန်း လည်ပတ်မှုစနစ်ပါ။

၅။ အိုပင်းန်ဝက်ပ် = www နဲ့ စတင်ပြီး အများသုံးအတွက် လွင့်တင်ထားတဲ့ ၀က်ပ်ဆိုက် မှန်သမျှကို “open web” အိုပင်းန်ဝက်ပ်လို့ ခေါ်ပါတယ်။

၆။ အပ်စ် = ဖုန်းမှာ အသုံးပြုဖို့ တင်ထားတဲ့ ရုပ်ပုံ (icon) တွေကို “Apps” လို့ ခေါ်တယ်။ ဥပမာ ဖေ့ဘုတ် (Feed book) ကို အသုံးပြုလို့ရအောင် “ဖေ့ဘုတ် အပ်စ်” ကို ဒေါင်းလုတ်ယူပြီး ဖုန်းစကရင်းမှာ တင်ထားရတယ်။ သက်ဆိုင်ရာ ဖုန်း အမျိုးအစားအလိုက် စမတ်ဖုန်းတွေရဲ့ ၀က်စ်ဆိုက်တွေမှာ အခမဲ့ဖြစ်ဖြစ်၊ ငွေပေး ၀ယ်ရတာဖြစ်ဖြစ် တင်ထားကြတယ်။

၇။ ၀က်စ်-ပရောက်ဆာ = အင်တာနက် ဖွင့်တဲ့အခါတိုင်း သိချင်တဲ့ ၀က်စ်ဆိုက်တစ်ခုခုရဲ့ အမည်ကို အတိအကျ ရိုက်ရှာပြီး ဖွင့်ရတဲ့ အင်တာနက် စာမျက်နှာကို ဆိုလိုတာပါ။ www နဲ့စတင်တဲ့ စာမျက်နှာတိုင်းကို ၀က်စ်ပရောက်ဆာ(web browser) လို့ ခေါ်တယ်။

အကိုးအကား-
-redOrbit (http://s.tt/19GMG)
-http://www.bbc.com/news/technology-17784585
- http://www.tech.sc/mozilla-boot-to-gecko-release-date/
-http://en.wikipedia.org/wiki/Web-usage