နောက်ပိုင်းကျတော့ နှစ်ကူးတဲ့ အခါသမယမှာလည်း ဒီစကားစုကို သုံးနှုန်းကြတယ်။ သင့်နောက်ကွယ်က အဟောင်းကို မေ့ပစ်ပြီး အသစ်ဆီသို့ အားစိုက်လှမ်းဝင်ပါ (Forgetting what is behind and straining toward what is ahead) ဆိုတဲ့ အဓိပ္ပါယ်နဲ့ပေါ့။ အိုင်တီ တစ်ခေတ်ဆန်းလာတော့ ဒီစကားစုကိုပဲ လိုရင်းတစ်မျိုးနဲ့ အဆိုအမိန့် ပြုကြတယ်။ စနစ်ဟောင်းကနေ ခွါ၊ စနစ်သစ်ဆီသို့ တက်လှမ်းပါ၊ သို့မဟုတ် ခေတ်ဟောင်းကနေ ခွါ၊ ခေတ်သစ်ဆီသို့ တက်လှမ်းပါလို့ ဘာသာပြန်ရမယ် ထင်တယ်။ ကြည့်ရတာ လူ့သဘာဝ အသစ် ဘယ်လိုကောင်းကောင်း အဟောင်းထဲ တ၀ဲလည်လည် ဖြစ်နေပုံပေါ်မယ်။ ဒါကြောင့်လည်း ကုမ္ပဏီ က ဒီဆောင်ပုဒ်ကို ကိုင်စွဲလိုက်တာ နေမှာ။ ကုမ္ပဏီ ပြောတဲ့ အဟောင်းက ပစ္စည်းဟောင်းကို ဆိုလိုပုံ မရပါဘူး။ ဘာလို့လဲဆိုတော့ အရည်အသွေးကောင်း ပစ္စည်းဟောင်းတွေထက် အလှအပ ပစ္စည်းသစ်တွေဆီ လူတွေ ချီတက်နေကြလို့ပါ။ ကနေ့ခေတ်ကား သင်္ဘောသားတွေ တင်သွင်းတဲ့ မြေနင်းလို့ခေါ်တဲ့ မော်ဒယ်နိမ့် ကားခေတ်၊ စက်ကင်ဟန်းလို့ မြန်မာတွေ ခေါ်နေတဲ့ တစ်ပတ်ရစ် စက်ပစ္စည်းခေတ်၊ ဈေးချို အမျိုးစားကောင်း အဟောင်းဆိုင်က ပေထုပ်ခေတ်မှ မဟုတ်တော့ပဲကိုး။
ထင်ရှားကျော်ကြားတဲ့ ကုမ္ပဏီများမှ အထင်ကရ တံဆိပ်အမှတ်အသား
ကုမ္ပဏီ ပြောတဲ့ အဟောင်းက တံဆိပ်ဟောင်း(အမှတ်အသားဟောင်း) ကို ဆိုလိုတာလည်း ဖြစ်ချင်ဖြစ်မယ်။ သို့မဟုတ် အတွေးအခေါ်ဟောင်းတွေကို ဆိုလိုတာလည်း ဖြစ်နိုင်ပါတယ်။ အများစုကလည်း အကျွမ်းဝင်နေတဲ့ တံဆိပ်အမှတ်အသားကိုသာ စိတ်ရော ကိုယ်ပါ တစွဲမက်မက် သုံးစွဲခဲ့ကြတာကိုး။ ဥပမာ- ကားဆို တိုရိုတာမှ၊ ရေခဲသေတ္တာဆို တိုရှီဘာမှ၊ တီဗီကျရင် ဆိုနီ၊ ကင်မရာက နီကွန်၊ ဖုန်းမှာ နိုကီယာ အဲဒါဆို အဲဒါမှ ဖြစ်နေတဲ့ ခေတ်ကိုး။ ဒါကြီးကိုပဲ ထိုးခိုင်းနေတဲ့ “ဒါးထိုးဘုန်းကြီး” ရဲ့ ခေတ်နဲ့ ဆင်နေသလားလို့ပါ။
စကားစပ်လို့ “ဒါးထိုးဘုန်းကြီး” အကြောင်းကို ဖောက်သည်ချပါရစေ။ ယုံတမ်း ပုံပြင်မဟုတ်သလို၊ လံကြုပ်ဇာတ်လမ်းလည်း မဟုတ်ပါ။ ရန်ကုန်မြို့တော် စည်ပင်ဧရိယာမှာ တကယ့်ပကတိ ရှိခဲ့သည့်အဖြစ်အပျက်ပါ။ ဂဏန်းသုံးလုံးတွေ ခေတ်ကောင်းနေတဲ့ အချိန်ကာလတုန်းကပေါ့။ တောထွက်ဘုန်းကြီးတစ်ပါးက ဂဏန်းပေးတယ်။ မှန်တယ်။ နာမည်ကြီးတယ်။ ဒီတော့ လူတွေ တအုံအုံ တရုန်းရုန်းနဲ့ပေါ့။ သူ့ဆီရောက်သွားတဲ့ ဂဏန်းတောင်းသူတိုင်းကို “ဒါထိုး” (ဒါလေးကို ထိုးပါ) လို့ သူ အသင့်ရေးထားတဲ့ စာရွက်ပေါ်က ဂဏန်းကို လက်ညှိုး ထိုးပြလေ့ရှိသတဲ့။ အဲဒါနဲ့တင် နောက်ပိုင်း လူတွေက ဒီဂဏန်းကို “ဒါးထိုးဘုန်းကြီး” ကိုယ်တိုင် မစထားတဲ့ ဂဏန်းလို့ ပြောကြတယ်။ ထိုးကြတယ်။ ပေါက်ကြတယ်။ ဘုန်းကြီးနောက်ကို တကောက်ကောက် လိုက်ကြတယ်။ အဲ… ပေါက်တဲ့လူက တစ်ယောက်စ နှစ်ယောက်စ၊ ဘ၀ မှောက်တဲ့လူက အယောက်ရာထောင်ပေါ့။ အဲလို သံသရာလည်ရင်း“ဒါထိုးဘုန်းကြီး” ကနေ “ဒါးထိုးဘုန်းကြီး” သို့၊ “ဒါးထိုးဘုန်းကြီး” ဘုန်းကြီးကနေ “ဓားထိုးဘုန်းကြီး” အထိ နာမည်ကြီးလှပါဘိ။ ပစ္စည်းကြေညာတဲ့ ကုမ္ပဏီရဲ့ ဆိုလိုရင်းက (ဒါးထိုးဘုန်းကြီး နောက်နောက်လိုက်လို) ဒါကြီးကိုပဲ ထိုးမနေဘဲ ခွဲထွက်ပြီး ကိုယ်ပိုင်တွေးခေါ်ဆင်ခြင်မှုနဲ့ ဖြန့်တွေးဖို့ပဲပေါ့။
အခုတလော အိုင်တီလောက အသုံးအဆောင်မှာ “Out with the old, in with the new” က များမှများ။ ခေတ်ဟောင်း စနစ်ဟောင်းကနေ ခွါပြဲ ခွဲထွက်ပြီး ခေတ်သစ် စနစ်သစ်ဆီ ချီတက်နေကြလိုက်တာ။ အားရစရာ ကောင်းမှကောင်း။ အမေရိကန် ကုမ္ပဏီဖြစ်တဲ့ အက်ပယ်လ်ကပဲ အိုင်ဖုန်းဖိုက် ထုတ်ရောင်းခဲ့တာ နိုင်ငံအစုံတောင် ရောင်းမနှံ့သေးဘူး။ အိုင်ပက်-မီနီ (iPad mini) ကို ထပ်ထုတ်တော့မယ် ဆိုပဲ။ ၂၄-နာရီအတွင်း အော်ဒါ (အမှာစာ) လုံးရေ ၂-သန်းရခဲ့တာ၊ တစ်ပတ်အတွင်း လုံးရေ ၅-သန်းကျော် ရောင်းထွက်တာကို အကြောင်းဖန်ပြီး အောက်တိုဘာလ ၁၇-နေ့ကျရင် ထောင့်ဖြတ် ၇.၈၅ အရွယ်နဲ့ အိုင်ပက်-မီနီကို ထုတ်မယ်တဲ့။ သစ်လည်း သစ်နိုင်ပါပေရဲ့။
အောက်တိုဘာလအတွင်း စတင်ရောင်းချတော့မယ့် ဖုန်း၊ သင်ပုန်းများ
ပြီးတော့ ဒါတင်လား၊ မဟုတ်ပါ။ ဆော့ပ်ဝဲလ်လောကကို ဦးဆောင်နေတဲ့ မိုက်ခရိုဆော့ပ်ကလည်း ခေတ်သစ်နစ်သစ်ဆီ ချီတက်နေတာပါပဲ။ သူ့ကိုယ်ပိုင် သင်ပုန်းဖြစ်တဲ့ ဆာဖေ့ (Surface) ကို အောက်တိုဘာ ၂၆ ရက်နေ့မှာ ဖြန့်မယ်လို့ ကြေငြာထားပြန်တယ်။ ဆာဖေ့ (Surface) ကိုတော့ ၀င်းဒိုး-၈ (Windows 8) နဲ့ အမြင်သစ်စွာ မြင်တွေ့ရမှာပါ။ ပြီးတော့ အန်ဒရွိုက်လောကမှာ ကြီးစိုးနေတဲ့ ကိုရီယားကုမ္ပဏီ ဆမ်ဆောင်းကလည်း လုံးရေ သန်း ၂၀ ကျော် ရောင်းချနိုင်ခဲ့တဲ့ ဂဇက်ဇီ-အက်သရီး (Galaxy SIII) ကို အားမရသေးပဲ ဂဇက်ဇီ-အက်သရီး မီနီ (Galaxy SIII Mini) တစ်မျိုးကို ထပ်ထုတ်လုပ်မယ် ဆိုပြန်တယ်။ ဒီအောက်တိုဘာ ၁၁-ရက်နေ့မှာပဲ စတင် ရောင်းချတော့မယ်တဲ့။
ရှိသေးတယ်။ စနစ်သစ်ခေတ်သစ်ဆီ ခြေလှမ်းနောက်မကျအောင် ဇွတ်ပြေးနေတဲ့ ထိုင်ဝမ်ကုမ္ပဏီ HTC ပေါ့။ The One X ဖုန်းကို အရောင်းသွက်လို့ ထင်ပါ့၊ ခုကျတော့ ဒီမျိုးဆက်ကို အခြေခံပြီး The One X+ ကို ထပ်ထုတ်မယ်တဲ့။ နောက်ဆုံးပေါ် အန်ဒရွိုက် စက်လည်ပတ်မှုစနစ်ဖြစ်တဲ့ Jelly Bean နဲ့ မောင်းနှင်ထားတယ်တဲ့။ သွက်လိုက်တဲ့ ခြေလှမ်း၊ ဟန်လိုက်တဲ့ အိုင်တီကုမ္ပဏီ။ မြန်မာစကားပုံထဲက “ခြေတစ်လှမ်း ကုဋေတစ်သန်းတန်” ဆိုတာ ခုမှ ရေးရေးလေး အတွေးပေါက်လာတယ်။ မိန်းမတွေရဲ့ ခြေလှမ်းဟုတ်ဘဲ၊ အိုင်တီရဲ့ ခြေလှမ်း ဖြစ်နေပါရော့လားလို့ပေါ့။
အိုင်တီခေတ်မှာ မယုံနိုင်စရာ “Out with the old, in with the new” က များလှပါပေ့။ အမေ့နို့ဖိုး မဆပ်နိုင်ဘဲ၊ အန်တီ့ကြွေး၊ အဲ.. အိုင်တီအကြွေး ကြေဦးပါ့မလား စဉ်းစားစရာ။ ဒါတွေ အသာထားဦး၊ ဆောက်ဖြစ်မှ ကျောင်းဒကာ။ ၀ယ်ဖြစ်မှ ကိုယ့်ဥစ္စာကိုး။ ကနေ့အဖို့ အသစ် အပ်ဒိတ်လုပ်ထားတဲ့ iOS 6 အကြောင်းကို စပြီး ဆွေးနွေးကြရအောင်ပါ-
ပြီးခဲ့တဲ့ စက်တင်ဘာလ ၁၆-ရက်နေ့က စက်လည်ပတ်မှုစနစ် အဟောင်းဖြစ်တဲ့ iOS 5.1 ကနေ အသစ်ဖြစ်တဲ့ iOS 6 ကို အက်ပယ်လ်ကုမ္ပဏီက ထုတ်လုပ်ခဲ့တယ်။ ဒီ iOS6 ကို ပူပူနွေးနွေး ထုတ်လုပ်ရောင်းချနေတဲ့ အိုင်ဖုန်းဖိုက် (iPhone5) နဲ့ တွဲဖက်အသုံးပြုခဲ့တာပါ။ ဒါပေမယ့် မြှင့်လိုတဲ့ ဘယ်အက်ပယ်လ်ဖုန်း သင်ပုန်မဆို Update လုပ်လို့ရအောင် အခမဲ့ ဖြန့်ဝေထားတယ်။ Update လုပ်လို့ရတဲ့ အိုင်ဖုန်း အမျိုးအစားထဲကဆို iPhone 3GS, iPhone 4, iPhone 4S, iPhone 5 တို့ ပါဝင်ပြီး၊ အိုင်ပေါ့ အမျိုးအစားထဲမှာ iPod touch (4th Generation), iPod touch (5th Generation), နှင့် အိုင်ပက် အမျိုးအစားထဲက iPad 2, The New iPad တုိ့ ပါဝင်ပါတယ်။
ကိုယ်တိုင်ထုတ်လုပ်တဲ့ အက်ပယ်လ်ကုမ္ပဏီကတော့ အသစ်ထုတ်လုပ်ခဲ့တဲ့ iOS 6 ကို အပို အပ်ပ် (Apps) ၂၀၀ ကျော် ထပ်ဖြည့်ထားတယ်လို့ ပြောတယ်။ ပြီးတော့ အဟောင်း iOS 5.1 ထက် ကောင်းတယ်၊ မြန်တယ်လို့ ပြောတာပဲ။ ဒါပေမယ့် အသုံးပြုသူ စာရေးသူတို့ အုပ်စု (အိုင်ဖုန်း ၃-လုံးနဲ့၊ အိုင်ပက် ၈-လုံး) မှာတော့ ကောင်းတဲ့ အကွက် တစ်ကွက်မှ ရှာမတွေ့သေးပါဘူး။ မြန်မာဘလော့၊ မြန်ဝက်ဆိုက်တွေကို ဖတ်ဖို့ ထည့်သွင်းထားတဲ့ Mogok Brower ကို ဖွင့်ရတာ ဘယ်လိုမှ အဆင်မပြေဘူး။ ပြီးတော့ အဖွင့်အများဆုံး ဖြစ်တဲ့ Youtube ကလည်း (App) ပါမလာတော့ဘူး။ ဗီဒီယိုဖိုင်တစ်ခုခု ဖွင့်ချင်တိုင်း Safari မှာ သွားရိုက်ရှာနေရတာကိုက ဒုက္ခ။ ခရီးဝေး သွားတဲ့အခါမှာလည်း အရင်မြေပုံစနစ်ကို ဘယ်လိုမှ မမီဘူး။ နိုင်ငံတကာမှာ အက်ပယ်လ် မြေပုံမှာ အမှားတွေချည်း စွတ်စွဲသလို စာရေးသူတို့ကလည်း နေရာရှာလိုက်တိုင်း မတွေ့ဘူးချည်း ပြနေတာကို ကမ်ပိန်း လုပ်ရမယ် ထင်တယ်။ Update လုပ်လိုက်တာ မှားမိလေခြင်းလို့ပဲ နောင်တ ရနေကြတာ များတယ်။ အိုင်တီနည်းပညာ တစ်ခုခုထွက်တိုင်း အကောင်း / အဆိုးတွေကို ဝေဖန်လေ့ရှိတဲ့ CNet ကလည်း iOS 6 စက်လည်ပတ်မှုစနစ်ကို အောက်ပါအတိုင်း သုံးသပ်ပြထားတယ်။
အက်ပယ်လ်ရဲ့ နောက်ဆုံးပေါ် iOS 6 ရဲ့ အမှတ်အသား
iOS 6 ရဲ့ ကောင်းကွက်
လူတွေ မျှော်လင့်တောင့်တနေတဲ့ အသုံးဝင် Apps တွေ အများကြီးကို ထည့်ပေးထားတယ်။ ရှိပြီးသား Apps တွေကိုလည်း အသုံးပြုလွယ်အောင် ပြုပြင်ထားတယ်။ မြေပုံစနစ်ကို 3-D (သုံးဘက်မြင်) အဖြစ် ပြောင်းလဲနိုင်တာ ချီးမွမ်းစရာ အံ့သြဖွယ်ဘနန်းပါ။ အသံနဲ့ အသုံးပြုတဲ့ Siri ကလည်း အများကြီး တိုးတက်ကောင်းမွန်လာတယ်။
iOS 6 ရဲ့ ဆိုးကွက်
အက်ပယ်လ်က ထည့်သွင်းပေးထားတဲ့ Apps အသစ်တွေဟာ အန်ဒရွိုက်ဖုန်းတွေမှာ သုံးနေကျ Apps တွေနဲ့ ထူးမခြားနားပါ။ ပထ၀ီဝင် အနေအထားနဲ့ ကိုက်ညီအောင် မြေပုံစနစ်ကို အများကြီး ပြုပြင် ရဦးမှာပါ။ တစ်ချို့ Apps တွေကို ဖုန်း၊ သင်ပုန်းအဟောင်းတွေမှာ အသုံးမတည့်ပါဘူး။ Google Maps လို တွဲဖက်အသုံးပြုရတဲ့ တစ်ချို့ Apps တွေကိုလည်း အကြာကြီး စောင့်ပြီး ဖွင့်ရတာတို့၊ ဖွင့်ပြီး မကြာဘဲ ပျောက်သွားတာတို့က သိပ်အဆင်မပြေလှပါ။
သုံးသပ်ချက်
အက်ပယ်လ်ရဲ့ မြေပုံ (Maps) စနစ်က အကြမ်းထည်ပဲ ရှိပါသေးတယ်။ မရှိသေးတဲ့ Apps အသစ်တွေကို ရရှိတာ ကောင်းတယ်။ ဒါပေမယ့် သုံးစွဲသူ အဆင်ပြေအောင် စက်လည်ပတ်မှုစနစ် iOS 6 ကို အများကြီး Update လုပ်ရဦးမှာပါ။ မကောင်းတာကိုပဲ ကွက်မြင်ရင်လည်း အဆိုးမြင်ရာ ရောက်တယ်။ ဒီတော့ အကောင်းဘက်ကိုလည်း တစ်လှည့် မြင်ကြည့်ကြအောင်ပါ။ အက်ပယ်လ်ရဲ့ ၀က်ဆိုက်မှာ တင်ထားတဲ့ iOS 6 ကောင်းကြောင်း အထောက်အထားတွေနဲ့ပေါ့။
အရင်ဆုံး အက်ပယ်လ်ရဲ့ ကြေညာက “iOS 6 ဟာ သင်ကြုံတွေ့နေရတဲ့ နေ့စဉ် အခက်အခဲကို ပိုပြီး ပြေလည်အောင် သွင်ပြင်လက္ခဏာများစွာ သင့်ဆီကို ဆောင်ကျဉ်းပေးထားတယ်။ သင့်ရဲ့ အိုင်ဖုန်း၊ အိုင်ပက် ဒါမှ မဟုတ် အိုင်ပေ့ါအတွက် iOS 6 ကို အခမဲ့ပဲ ပေးထားတယ်။ အလွယ်တကူ အဆင့် မြှင့် (update) ယူပါ” တဲ့။ ဒီအတိုင်းဆို အက်ပယ်လ် ဇောင်းပေး ဖော်ပြထားတဲ့ Apps ၁၀-ခုအကြောင်းကို ဆက်လက်ပြီး လေ့လာကြရအောင်။
အက်ပယ်လ်ရဲ့ မြေပုံစနစ်က
1.Maps အက်ပယ်လ်ရဲ့ မြေပုံစနစ်က အသစ်တိုင်းနီးပါးကို တော်လှန်လိုက်တယ်။ မြေပြင်အောက်ကနေ အထက်ကောင်းကင်တိုင်အောင် လှပတဲ့ ဒီဇိုင်းနဲ့ ဖန်တီးထားတယ်။ ဒီမြေပုံစနစ်က ကမ္ဘာကြီးကို ပုံမှန် မြင်တဲ့အမြင်ကို ပြောင်းပြန်လှန်ပစ်လိုက်တယ်။ မြေပုံစနစ်မှာ ညွှန်ရပ်ကိုပါ ဖော်ပြပေးတဲ့ပမာဏ အမျိုးအစား (Vector) နဲ့ အခြေခံ တည်ဆောက်ထားတယ်။ ဒါကြောင့် ဘယ်လောက်ပဲ ချဲ့ချဲ့ ပုံ၊ စာသားတွေကို အသေးစိတ် မြင်နိုင်တယ်။ ဧရိယာကို အတိမ်း၊ အစောင်းနဲ့ ကြည့်လိုက်တဲ့အခါ သင် ရောက်ရှိနေတဲ့ လမ်း၊ အဆောက်အအုံတွေရဲ့ နာမည်တွေကိုပါ သိနိုင်ပါတယ်။ ယာဉ်ကြောပိတ်ဆို့တဲ့ လမ်းတွေကိုလည်း အချိန်နဲ့တပြေးညီ ဖော်ပြပေးတဲ့အတွက် ကား မောင်းရာမှာ အထောက်အကူ ရနိုင်ပါတယ်။ စုလစ်မွန်းချွန် အထွတ်အထိပ် အဆောက်အဦတွေကို အရည်အသွေးမြင့် မြင်နိုင်အောင် ဖန်တီးပေးထားတယ်။ 3-D သုံးဘက်မြင် မြေပုံတွေပေါ့။
2. Siri
iOS 6 ဟာ နိုင်ငံပေါင်းများစွာမှ ဘာသာစကား မျိုးစုံကို နားလည်တယ်။ ထိုကြောင့် နေရာပေါင်းစုံမှ အရာဝတ္ထုများစွာကို ရရှိနိုင်ပါတယ်။ နောက်ဆုံး ပွဲအဖြေရဲ့ရလာဒ်၊ အသင်း၊ အားကစားသမားများ အကြောင်းကို သင် သိချင်ပါသလား။ ဒါတွေကို စီရီ (Siri) ဆိုတဲ့ အသံစနစ်က ဖြေပေးနိုင်တယ်။ ပြီးတော့ နောက်ဆုံး ရုံတင် ပြသမယ့် ရုပ်ရှင်တွေကိုလည်း နမူနာအနေနဲ့ကော၊ ပြသမယ့် လိုင်း၊ ပြသမယ့် အချိန်ကော စီရီ (Siri) ကို မေးလိုက်ပါ။ တန်းဖြေပေးပါလိမ့်မယ်။ အကောင်းဆုံး စားသောက်ဆိုင်တွေကို ရှာပြီး ၀င်စားလိုက်ပါ။ သင်လိုချင်တဲ့ အပ်ပ် (App) တွေကို ဖွင့်ရမှာ ပျင်းနေရင် စီရီ (Siri) ကိုသာ အမိန့်ပေး ဖွင့်ခိုင်းတောင် ရနိုင်ပါသေးတယ်။ ဥပမာ “Launch Flight Tracker” or “Open Angry Birds” ပြောလိုက်ပါ၊ စီရီ (Siri) က ဖွင့်ပေးလိမ့်မယ်။ လူမှုရေးဝက်ဆိုက်ဖြစ်တဲ့ Facebook, Twitter မှာလည်း စီရီ (Siri) အသံစနစ်နဲ့ ဖွင့်နိုင်၊ ပို့စ်တွေ တင်နိုင်ပါသေးတယ်။
3. Facebook
ခုတော့ အရင်ကထက် Facebook ကို လွယ်ကူစွာ အသုံးပြုနိုင်ပါပြီ။ Facebook အပ်ပ် (Apps) မလိုဘဲ တန်းဖွင့်နိုင်ပါပြီ။ ဘေးနားမှာ ရှိနေတဲ့ ဒါမှမဟုတ် ကင်မရာနဲ့ ရိုက်ထားတဲ့ ဓာတ်ပုံတွေကို ရှယ်လ်နိုင်၊ ပေးပို့နိုင်ပါပြီ။ သင် ဘယ်မှာ ရှိနေတယ်၊ ဘယ်နေရာကနေ ပို့စ်တင်နေတာကိုလည်း Maps ကနေတစ်ဆင့် ဖော်ပြပေးလို့ ရသေးတယ်။ ဂိမ်းစင်တာကနေ သင်ဆော့လို့ ရတဲ့အမှတ်ကိုလည်း ကြွားလုံး ထုတ်နိုင်ပါသေးတယ်။ သင့်ရဲ့ လက်က မအားဘူးဆိုလည်း ကိစ္စမရှိပါဘူး။ ပို့စ် တင်ဖို့ စီရီ (Siri) ကိုသာ ခိုင်းလိုက်ပါ။ Sign In သာ ၀င်ထားနှင့်ပါ၊ ကျန်တဲ့ ကိစ္စ၀ိစ္စတွေကိုတော့ စီရီ (Siri) က ဆက်လက် လုပ်ဆောင်ပေးပါလိမ့်မယ်။ နေ့စဉ်ပြက္ကဒိန်ရဲ့ အချိန်ဇယားမှာသာ အစီအစဉ်တွေကို ချမှတ်လိုက်ပါ၊ ဒါဆိုရင် ချစ်သူ၊ သူငယ်ချင်းတွေရဲ့ မွေးနေ့မှာ “Happy Birthday” ပြောဖို့ မမေ့တော့ဘူးလေ။ ပြီးတော့ သိရှိ ခင်မင်ခဲ့ကြတဲ့ ချစ်သူ၊ မိတ်ဆွေတွေရဲ့ ဆက်သွယ်ရမယ့် လိပ်စာ၊ ဖုန်းနံပါတ်တွေကိုလည်း Contacts စာရင်းမှာ ထည့်သွင်းလို့ ရပါသေးတယ်။ ဘယ်တော့မှ ပျောက်ပျက် မသွားတော့ပါဘူး။ ခုနေခါမှာ Facebook ကို သုံးခြင်းဖြင့် ပို့စ်တွေကို တင်ပြီး သင့်ရဲ့ အဖြစ်အပျက်တွေကို မျှဝေခံစားဖို့ အချိန်သင့်ပါပြီ။
Photo Streams လုပ်ဆောင်ချက်
4. Shared Photo Streams သင် ရွေးချယ်ထားတဲ့ သူလောက်ကိုသာ သင့်ရဲ့စိတ်ကြိုက် ဓာတ်ပုံတွေကို မျှဝေနိုင်ပါပြီ။ ရှယ် (မျှဝေ) နည်းကတော့-
Photo App ကို သွားဖွင့်ပါ။ (နေကြာပန်းပုံနဲ့ App)
Choose (ပို့ချင်တဲ့ ဓာတ်ပုံကို ရွေး)
Tap (ဓာတ်ပုံပေါ် နှိပ်ပါ၊ နှိပ်နှိပ်ချင်း အောက်ခြေမှာ ပေါ်လာတဲ့ ရှေ့သို့မျှားကို Share လို့ ခေါ်တယ်။)
Share ပေါ် နှိပ်ပါ။
ဒီလို ရှယ်လ်လိုက်ရုံနဲ့ iOS 6 (အိုင်ဖုန်း၊ အိုင်ပက်၊ အိုင်ပေ့ါ) နဲ့ သုံးနေတဲ့ မိတ်ဆွေတွေရဲ့ Photos app ဆီမှာ အလိုလိုရောက်သွားမှာ ဖြစ်ပြီး၊ အက်ပယ်လ်ကွန်ပျူတာ (iMac, MacBook) မှာ တောင်ခြင်္သေ့ (Mountain Lion) ဗားရှင်းနဲ့ သုံးနေတဲ့ သူငယ်ချင်းတွေဆီမှာ iPhoto မှာ သွားပေါ်နေပါလိမ့်မယ်။ ဆိုလိုတာက အချင်းချင်း ချက်တင်ဘောက် (Chatting Box) မှာ လှမ်းပို့ရုံလေးနဲ့ ပုံက အိုင်ဖိုတို (iPhoto) ဆီမှာ အလိုလို ရောက်နေပါလိမ့်မယ်။ ကိုယ်တိုင် ရိုက်ထားတဲ့ ဗီဒီယို၊ ဓာတ်ပုံတွေပဲ ဖြစ်ဖြစ်၊ သူများပို့ပြီး ရယူထားတဲ့ ဗီဒီယို၊ ဓာတ်ပုံပဲ ဖြစ်ဖြစ် အက်ပယ်လ်ရဲ့ တီဗီနဲ့ ကြည့်ရှု ခံစားနိုင်ပါသေးတယ်။ အဲ… အက်ပယ်လ်ပစ္စည်း မသုံးတဲ့ မိတ်ဆွေတွေဆီကို ပို့ထားပါက အွန်းလိုင်းကနေပဲ သူတို့ တွေ့ရမှာပါ။ အများစုက သူတို့ဆီ တိုက်ရိုက် ပို့ပေးတာကို ပိုပြီး နှစ်ခြိုက် သဘောကျလေ့ရှိတယ် မဟုတ်လား။ ဒါမှ သူတို့က ကော်မန့် (မှတ်ချက်) ပေးနိုင်မယ်၊ ဝေဖန်သုံးသပ်သမှု ပြုကြမယ်ပေါ့။ ဒါပေမယ့် ရှယ်လ်ထားတဲ့ ဓာတ်ပုံ၊ ဗီဒီယိုစီးကြောင်းလေးကို iCloud သိုလှောင်ရုံလေးမှာ သိမ်းဆည်းထားရုံနဲ့လည်း မိတ်ဆွေတွေက ၀ိုင်ဖိုင်နဲ့ဖြစ်ဖြစ် (မိုဘိုင်းဆင်းကဒ်နဲ့ အင်တာနက်ချိတ်ထားတဲ့) ဆယ်လူလာနက်ဝေါ့နဲ့ ဖြစ်ဖြစ် ရယူနိုင်မှာပါ။
5. Passbook
သင့်ရဲ့ လေယာဉ်လက်မှတ်၊ ရုပ်ရှင်လက်မှတ်၊ ကူပွန်၊ ကတိဝန်ခံလွှာ စသည်ဖြင့် လက်မှတ်၊ ကတ်ပြားပေါင်းစုံကို တစ်နေရာတည်းမှာ သိမ်းဆည်းထားနိုင်ပါပြီ။ လေယာဉ်ရုံ၊ ရုပ်ရှင်ရုံ၊ ကုမ္ပဏီ၊ စတိုးဆိုင်တွေက အွန်းလိုင်းကနေတစ်ဆင့် ပို့ပေးထားတဲ့ ဒီအချက်အလက်တွေကို Passbook ဆိုတဲ့ App မှာ၊ သို့မဟုတ် မေးလ်မှာ သိမ်းထားနိုင်ပါတယ်။ ပြီးတော့ သင့်ရဲ့ အိုင်ဖုန်း၊ အိုင်ပက်၊ အိုင်ပေါ့တွေနဲ့ စကင် (Scan) ဖတ်ပြီး ဒီအချက်အလက်တွေကို စစ်ဆေးနိုင်ပါသေးတယ်။ ကူပွန် သက်တမ်း ကုန်ဆုံးတဲ့အချိန်၊ လက်မှတ်ရဲ့ ထိုင်ခုံနေရာ အတိအကျ၊ သွင်းထားတဲ့ ငွေသားရဲ့ လက်ကျန်စာရင်း- စတာတွေကိုလည်း အချိန်မရွေး ပြန်ကြည့်နိုင်ပါသေးတယ်။ သင်ရဲ့ အိုင်ဖုန်း၊ အိုင်ပက်၊ အိုင်ပေါ့တွေနဲ့ အချိန်၊ နေရာတို့ကို အချိန်းအချက်လုပ်ပြီး မူလမျက်နှာ (Lock screen) မှာ တင်ထားပါ။ ဥပမာ- လေဆိပ်ဆင်းတဲ့အခါမှာ စတိုးဆိုင်ကို သွားပြီး အကြွေးဆပ်မယ်၊ သက်တမ်း ကုန်ဆုံးနေတဲ့ ကူပွန်ကို သက်တမ်းတိုးမယ်ပေါ့။ နောက်တစ်ခါ ချက်ကင် (checked in) ၀င်ပြီးမှ စီးရမယ့် လေယာဉ်က ဂိတ်အပြောင်းအလဲ လုပ်မယ်ဆိုရင်လည်း Passbook က သင့်ကို တပ်လှန့်ပေးမှာပါ။ ဒါဆိုရင် စီးရမယ့် ဂိတ်ပေါက် (terminal) မမှားတော့ဘူးပေါ့။ သင်လည်း မပြေးမလွှားရဘဲ သက်တောင့်သက်သာနဲ့ ထိုင်စောင့်ရုံလေးပေါ့။
6. FaceTime
စက်လည်ပတ်မှု စနစ်သစ်ဖြစ်တဲ့ iOS 6 နဲ့ FaceTime ကို ၀ိုင်ဖိုင်နဲ့ ဖြစ်ဖြစ်၊ ဆယ်လူလာ (ဖုန်းဆင်းကဒ်ကနေ ချိတ်ထားတဲ့ အင်တာနက်) နဲ့ ဖြစ်ဖြစ် အသုံးပြုနိုင်ပါပြီ။ ဒါကြောင့် သင် တစ်ခုခု ဖြစ်လာတိုင်း FaceTime နဲ့ ခေါ်ပြောနိုင်တယ်၊ ခေါ်ပြောလာတာကို လက်ခံ ဖြေပေးနိုင်တယ်။ ဘယ်နေရာပဲ ရောက်နေနေ သင့်ရဲ့ ဖုန်းနံပါတ်ကို အသုံးပြုပြီး ဆင်းကတ်မပါတဲ့ အိုင်ပက်ကိုတောင် FaceTime နဲ့ ဖုန်းခေါ်ဆိုနိုင်တယ်၊ လက်ခံ ဖြေပေးနိုင်ပါသေးတယ်။ ပြီးတော့ ချစ်တဲ့သူကို အလွမ်းသင်္ကေတ ဖြစ်တဲ့ မျက်စိ မှိတ်ပြဖို့၊ ပြုံးပြဖို့၊ လေအနမ်းလေး ချွေဖို့၊ မျက်တောင်လေး ခတ်ပြဖို့ကိုလည်း လုပ်နိုင်ပါသေးတယ်။
7. Phone
iOS 6 မှာ ဖုန်းခေါ်ဆိုတဲ့ App ကို အသွင်ပြင်သစ်နဲ့ ထပ်ပေါင်းထားတယ်။ ဖုန်းတစ်ကော ၀င်လာတဲ့အခါမှာ သင်က စိတ်ကြိုက် ပြန်တုန့်ပြန်နိုင်တယ်။ မအားတဲ့အကြောင်း စာနဲ့ ပြန်တုန့်ပြန်မလား၊ နောက်မှ ထပ်ခေါ်ပါလို့ သတိပေးချက်နဲ့ တုန့်ပြန်မလား၊ ပြန်မယ်ခေါ်လို့ အသိပေးချင်တာလား အားလုံး အိုကေပဲ။ ဗျာများနေတဲ့အခါမှာ အလိုက်အကန်းဆိုးမသိ မနားတမ်း လှမ်းခေါ်နေတဲ့ ဟိုဘက်က ငတိကြောင့်လည်း စိတ်အနှောင့်အယှက် ဖြစ်စရာ မလိုပါဘူး၊ Do Not Disturb ဆိုတဲ့ လုပ်ဆောင်ချက်ကိုသာ အွန် (On) လိုက်ပါ။ သင့်ဘော့စ်နဲ့ အရေးကြီးသူများ လှမ်းခေါ်လိုက်တိုင်း လွဲမသွားဖို့လည်း သီးသန့် လုပ်ဆောင်ချက် ပါဝင်သေးတယ်။
8. Mail
မေးလ်နဲ့ ပတ်သက်တဲ့ ပေါင်းကူးစနစ်သစ်ကိုလည်း တီထွင်ထားလေရဲ့။ မေးလ်ကို ပိုပြီး လွယ်ကူစွာ ဖတ်နိုင် / ပို့နိုင်ပါတယ်။ iOS 6 မှာ ဆန်းသစ်ထားတဲ့ မေးလ် (mail) ရဲ့ လုပ်ဆောင်ချက်မှာ အရေးကြီး ပုဂ္ဂိုလ် (VIP) စာရင်း သီးခြား ပါဝင်ပါတယ်။ ဒီသီခြားစာရင်းကြောင့် သင့်အကောင့်ထဲမှာ ရှိနေတဲ့ အရေးကြီးပုဂ္ဂိုလ်များရဲ့ စာ အ၀င်/ အထွက်ကို ဘယ်တော့မှာ မလွဲတော့ဘူး။ ပြီးတော့ အီးမေးလ်ရဲ့ မက်ဆေ့ခ်ျမှာ ဓာတ်ပုံတို့၊ ဗီဒီယိုတို့ ထည့်သွင်းလို့ ရပါသေးတယ်။ အသစ်အသစ် ၀င်လာတဲ့ စာတွေ တန်းသိနိုင်ဖို့ Swipe Down လို့ခေါ်တဲ့ အလိပ် / အဖြန့်ကိုလည်း လုပ်လို့ ရပါသေးတယ်။
အရင်ဖွင့်ထားတာကို iCloud Tabs သိမ်းဆည်းထားပုံ
9. Safari အရေးကြီး ၀က်ဘရောက်ဆာဖြစ်တဲ့ Safari ကိုလည်း ကောင်းအောင် ပြုပြင်ထားတယ်။ အိုင်ဖုန်း၊ အိုင်ပက်၊ အိုင်ပေါ့တို့နဲ့ လွယ်ကူချောမွေ့စွာ ဖွင့်နိုင်ဖို့ပါ။ အိုင်ကလောက် (iCloud Tabs) က မွှေနှောက်ဖွင့်ခဲ့ဖူးတဲ့ ၀က်ဘရောက်ဆာ စာမျက်နှာ မှန်သမျှကို သိမ်းဆည်းပေးတယ်။ ဒါကြောင့်လည်း Safari ကို ဖွင့်လိုက်တာနဲ့ တပြိုင်နက် တန်းတွေ့နေရတဲ့ မိုးတိမ်ပုံစံ (iCloud) တပ်ခ်ျကို တန်းနှိပ်လိုက်ရုံနဲ့တင် အရင်က ဖွင့်ခဲ့ဖူးတဲ့ ၀က်ဘရောက်ဆာတွေက တန်းစီ ကျလာပါလိမ့်မယ်။ ဆိုလိုတာက Safari ဟာ ၀က်ပေ့ခ်ျ (web-pages) တွေကို သိမ်းဆည်းပေးတယ်။ အရင်စနစ်မှာ ပါဖူးတဲ့ Reading List ပုံစံလို မဟုတ်ဘူးနော်။ Reading List က လင့်ခ် (Link) သက်သက်ကိုသာ (ဖတ်ရမယ့်စာရင်းထဲ) မှတ်ပေးတယ်။ iCloud Tabs ကျတော့ စာမျက်နှာ တစ်ခုလုံး (ပုံ၊ စာ၊ အသံ) ကို သိမ်းပေးတယ်။ အင်တာနက် ကွန်ရက်နဲ့ ဝေးနေတာတောင် (အင်တာနက် မရတာတောင်) ဖွင့်ဖတ်လို့ ရသေးတယ်။ နောက်ဆန်းသစ်ချက် တစ်ခုကတော့ eBay, Craigslist စတဲ့ အွန်းလိုင်းအယ်လ်ဘမ်မှာ ဓာတ်ပုံ၊ ဗီဒီယိုတွေကို တင်ချင်သပဆိုရင် ဒီနေရာမှာပဲ ဓာတ်ပုံရိုက်၊ ဗီဒီယို မှတ်တမ်းတင်ပြီး တန်းတင်လို့ ရတယ်။ Photo App မှာ သိမ်းထားတဲ့ Camera Roll ကိုတောင် ဖွင့်စရာ မလိုဘူး။ ပြီးတော့ ဓာတ်ပုံ၊ ဗီဒီယိုတွေကို စကရင်းအပြည့် ရှုစားလိုပါက လှဲချလိုက်ဖို့ကို မမေ့နဲ့ပေါ့။
10. Accessibility
iOS 6 စက်လည်ပတ်မှုစနစ်ဟာ လူတွေရဲ့ အမြင်၊ အကြား၊ အသိ၊ အာရုံ ခံစားမှုအပိုင်း ပိုမိုကောင်းမွန်အောင် ဖန်တီးထားတယ်။ အရည်အချင်း မရှိသေးတဲ့ ကျောင်းသားတွေကို လက်ခံ ကူညီပေးတယ်။ ကျောင်းကြီးကို အထီးကျန်စွာ ငြီးငွေ့နေတဲ့ ကလေးသူငယ်တွေကို ကျေနပ်အားရလာအောင် ဆော်သြပေးပါတယ်။ မိဘ၊ ဆရာ၊ အကြီးအကဲတွေ ခွင့်ပြုတဲ့ အတိုင်းအတာအထိ လုပ်ဆောင်ချက်တွေ ထည့်သွင်းပေးထားတယ်။ မျက်မမြင်သူတွေ၊ အမြင်အာရုံနည်းသူတွေအတွက် VoiceOver လို လုပ်ဆောက်ချက်ကို ထည့်သွင်းပေးထားတယ်။ မြေပုံစနစ်၊ AssistiveTouch လို့ခေါ်တဲ့ ထိတို့အကူစနစ်၊ Zoom လို့ခေါ်တဲ့ မြည်သံစနစ်တွေနဲ့ ပေါင်းစပ်တီထွင်ခဲ့တာပါ။ ထို့ပြင် အက်ပယ်လ် ထုတ်ကုန်ပစ္စည်းတွေဖြစ်တဲ့ အိုင်ဖုန်း၊ အိုင်ပက်၊ အိုင်ပေါ့တွေဟာ နားမကြားသူအတွက် ရည်ရွယ်ပြီးလည်း အသံပိုင်းဆိုင်ရာကို တုန်ခါသိရှိစနစ်နဲ့ နားလည်နိုင်အောင် အဆင့်မြင့်မြင့် ဖန်တီးထားပါသေးတယ်။
0 comments:
Post a Comment