Pages

Ads 468x60px

Labels

Jan 19, 2012

အာဂျန္တာနှင့်ဧလိုရာသို့ တမ်းခြင်း (၂)

မြန်မာပြည်က ကျိုက်ထီးရိုးဘုရားနဲ့ ဆင်တူတဲ့ ဟန်ပန်ကတော့ အထမ်းသမားများ ဖြစ်တယ်။ တောင်ထိပ်သို့ မတက်နိုင်တဲ့ သက်ကြီး ရွယ်အိုသမားများကို သစ်သားခုံနဲ့ ထမ်းပေးခြင်း ဖြစ်တယ်။ ကုလားထိုင်ခြေ လေးဘက်လေးတန်ကို အနေတော် ၀ါးလုံးကြီး ၂-လုံးနဲ့ ကြိုးသိုင်း ချည်နှောင်ထားတယ်

15/ 01/ 2012

ညတုန်းက အတွေးနယ်လွန်လို့ လွယ်လွယ်နဲ့ အိပ်မပျော်ခဲ့လို့လား။ ဒါမှမဟုတ် ခရီးပန်းထားတဲ့အရှိန်ကြောင့် ကုလားသေ ကုလားမော အိပ်ပျော်ခဲ့လို့လား၊ သိပ်တော့ မသေချာ။ နိုးတစ်ဝက် အိပ်မက်နဲ့လား၊ နှစ်နှစ်ခြိုက်ခြိုက် အိပ်မောကျခဲ့သည်လား၊ သိပ်တော့ မရေရာ။ ဖုန်းမြည်သံ ကြားလိုက်ရမှ အိပ်ရာက ထဖြစ်တော့တယ်။ ဖုန်းကို ထကိုင်လိုက်တော့ မွန်ဘိုင်းမှာ ရှိတဲ့ ဒကာတစ်ဦးက အာဂျန္တာကို ခပ်စောစော သွားဖို့သင့်တဲ့ အကြောင်း လှမ်းပြီး အကြံပေးတာပါ။ တော်သေးတယ်၊ သူက လှမ်းနှိုးလိုက်သလို ဖြစ်လို့။ နာရီကို လှမ်းကြည့်လိုက်တော့ ၇-နာရီတောင်ခွဲနေပါပြီ။ ဘေးနှစ်ဘက်နှစ်ချက်မှာ ရှိတဲ့အခန်းတွေကို သွားဖွင့်ကြည့်တော့ လော့ဂ်ချထားတုန်း ရှိတယ်။ အိပ်ပျော်နေဆဲ သဘောပါပဲ။ မျက်နှာအရင်သစ်၊ သွား အရင်တိုက်ပြီးမှ ဘေးခန်းက တံခါးတွေကို လှမ်းခေါက်လိုက်တယ်။ အားလုံး ကမန်းကတန်း ထလိုက်ကြတယ်။ ၈-နာရီအတိ ဒီက ထွက်မယ်လို့ တပ်လှန့်လိုက်တယ်။ မနက်စောစော ငြိမ်သက်နေတဲ့ ပတ်ဝန်းကျင်ဟာ မျက်နှာသစ်သံ၊ ရေချိုးသံ၊ သန့်စင်သံတွေနဲ့ ဆူညံအသက်ဝင်လာတယ်။

အာဂျန္တာကို ရောက်ဖို့ရာ အော်ရန်းဂဗတ်မြို့ကနေ ၂-နာရီနီးပါး ကား မောင်းရဦးမယ်။ မနက် ၉-နာရီတိတိမှာ အာဂျန္တာ လိုဏ်ဂူတော်ကြီးကို စဖွင့်မယ်ဆိုတော့ ဒီကနေ ၇-နာရီအချိန်လောက် ထွက်မှ တော်ကာကျမယ်လေ။ သို့ပေမယ့် အိပ်ရာထ နောက်ကျလို့ ခရီးက ဖင့်သွားရပေပြီ။ ကားဆရာကတော့ ၁-နာရီခွဲနဲ့အရောက် မောင်းပေးမယ်လို့ ကတိပေးလေရဲ့။ နံနက်စာတောင် စားဖို့ အချိန်မပေးနိုင်တော့ဘဲ ကားပေါ် ကတိုက်ကရိုက် တက်၊ တည်းခိုရာ ဟိုတယ်ကနေ တန်းထွက်ကြရတယ်။ ကားဆရာဘက်က တာဝန် ကြေရှာပါတယ်။ သူ ပေးထားတဲ့ ကတိအတိုင်းပါပဲ အာဂျန္တာဂိတ်ဝကို ၉း၃၀ နာရီတိတိ ရောက်ရှိသွားတယ်။ ဂိတ်ဝနားက ဆိုင်တစ်ဆိုင်မှာ မနက်စာ သုံးဆောင်ကြတယ်။ သုံးဆောင်တယ်ဆိုပေမယ့် ဇိမ်ကျကျမဟုတ်ဘဲ စွန်ငှက်သုတ်သလို ခပ်သွက်သွက်နဲ့ စားသောက်လိုက်တာပါ။ တောင်ခြေကနေ အာဂျန္တာလိုဏ်ဂူသို့ ရောက်ဖို့ရာ ၁၅ မိနစ် လောက် နောက်ထပ် ခရီးဆက်ရဦးမယ်။ ကျိုက်ထီးရိုးစေတီတော်လို တောင်ခြေ အတက်လမ်းတွေ မတ်စောက်မနေပေမယ့် ဘုရားဖူး ကားကြီးငယ်များကို တက်ခွင့်မပေးပါ။ အာဂျန္တာ ဂေါပကမှနေ စီစဉ်ပေးတဲ့ ဘတ်(စ်)ကားကြီးများနဲ့သာ လက်မှတ်ဖြတ် စီးနင်းလိုက်ပါခွင့် ရကြပါတယ်။ လိုဏ်ဂူတော်ရဲ့ အတက်လမ်းဝ ရောက်ရှိတဲ့အချိန်ကား မနက် ၁၀ နာရီ ထိုးလုနေပါပြီ။ မနက်ခင်းမှာ အအေးဓာတ်တွေ သင်းနေပေမယ့် အခုလို နေမြင့်လာတဲ့ အချိန်မှာတော့ လေနဲ့အတူ အပူဓာတ်တွေက ကပ်ပါလာပြီ။ ပူပေမယ့် မမှုအား၊ လိုဏ်ဂူတော်သို့ ရောက်ဖို့သာ ဇောအားက ထက်သန်နေကြတယ်မို့လား။

အာဂျန္တာ-ဟာ ချောက်ကမ်းပါးကို ပိုင်းဖြတ်ပြီး ထုဆစ်ထားသည့် ဂူအမျိုးအစားမို့လို့ လိုဏ်ဂူတော် ၀င်ပေါက်ဟာ တောင်ထိပ်မှာ တည်ရှိနေတယ်။ တောင်ထိပ်ပေါ် ရောက်အောင် အရင် လျှောက်တက်ရသေးတယ်။ တောင်ထိပ် တက်လမ်းကို ကျောက်လှေခါးထစ်များနဲ့ တစ်ထစ်ချင်းစီ ပုံဖော် ထုဆစ်ထားသည်။ ဘေးနှစ်ဘက်နှစ်ချက်ကို လက်ရန်းအဖြစ် ကျန်ရစ်နေအောင် အလယ်က ကျောက်ဆောင်ကြီးကိုပဲ လှေကားထစ် ပုံဖော်ထားခြင်း ဖြစ်တယ်။ ဘေးနှစ်ဘက်ကို မူလအတိုင်း ချန်ထားခဲ့သည်။ မြေသားလမ်း မဟုတ်သဖြင့် မြေပြိုမှာကို မကြောက်ရသလို အင်္ဂတေလမ်း မဟုတ်ပြန်သဖြင့် ခြေချော်မှာကိုလည်း မကြောက်ရပေ။ မြန်မာပြည်က ကျိုက်ထီးရိုးဘုရားနဲ့ ဆင်တူတဲ့ ဟန်ပန်ကတော့ အထမ်းသမားများ ဖြစ်တယ်။ တောင်ထိပ်သို့ မတက်နိုင်တဲ့ သက်ကြီး ရွယ်အိုသမားများကို သစ်သားခုံနဲ့ ထမ်းပေးခြင်း ဖြစ်တယ်။ ကုလားထိုင်ခြေ လေးဘက်လေးတန်ကို အနေတော် ၀ါးလုံးကြီး ၂-လုံးနဲ့ ကြိုးသိုင်း ချည်နှောင်ထားတယ်။ ၀ါးလုံးရဲ့ အစွန်လေးဘက်မှာ အထမ်းသမား လေးယောက်က ၀င်ထမ်းတယ်။ အခမဲ့တော့ မဟုတ်ပါ။ အထမ်းခ ပေးရတယ်။ တစ်ယောက်ကို (အထမ်းသမား လေးယောက် ထမ်းတင်ရသဖြင့်) ၆၀၀-ရူပီး ယူသည်ဟု သိရှိရသည်။

အာဂျန္တာလိုဏ်ဂူတော်ကြီးရဲ့ တည်ရှိပုံကတော့ ထူးဆန်းတယ်။ အမြင်လည်း ဆန်းနေတယ်။ ဘယ်နေရာမှာမှ မမြင်ဘူး မတွေ့ဘူးခဲ့ပါ။ ပစောက်ပုံသဏ္ဌာန်လို (လေးကိုင်းသဏ္ဌာန်လည်း ပြောလို့ရတဲ့) ဝေ့၀ိုက်နေတဲ့ ကျောက်သားအတိ ချောက်ကမ်းပါးကို ဖြတ်ချကာ ဂူအဖြစ် တီထွင်ဖန်တီးထားခြင်း ဖြစ်သည်။ ဂူရဲ့ပုံစံကတော့ အခေါင်းမဟုတ်ဘဲ အပိတ်ပဲ ဖြစ်ပါတယ်။ ချောက်ကမ်းပါးရဲ့ ထိပ်နားလေး (လေးချိုးသုံးချိုးလောက်) မှာ ကျောက်ဆောင်ကို ထွင်းဖြတ်ကာ လျှောက်လမ်းအဖြစ် ဖန်တီးထားပြီး လျှောက်လမ်းရဲ့ အတွင်းပိုင်းကို ဘုရားကျောင်းဆောင်၊ ဘုန်းတော်ကြီးကျောင်းဆောင်တွေအဖြစ် ဖောက်ထွင်း ထုဆစ်ထားခြင်းပါ။ မျက်နှာချင်းဆိုင်ရှိ ဟိုဘက်ကျောက်တောင်ကား ၀လုံးကို အလယ်ဖြတ်ထားသလို အာဂျန္တာရဲ့ လိုဏ်ဂူတော်ကြီးကို ဝေ့၀ိုက် ပတ်ထားပြန်တယ်။ သို့မို့လို့ ကျောက်တောင် နှစ်ခုကြားရှိ ချောက်ကမ်းပါး အပေါ်ပိုင်း ပတ်ပတ်လည်တွင် လိုဏ်ဂူတော်ကြီး တည်ရှိပြီး အောက်ခြေ ပတ်ပတ်လည်တွင် စမ်းချောင်းကလေး သွယ်ဝိုက် စီးဆင်းနေတယ်။ လျှောက်လမ်း (သို့မဟုတ်) ၀ရံတာကနေ အောက်ခြေရှိ စမ်းချောင်းလေးကို ငုံ့ကြည့်ပါက အသည်းတယားယားနဲ့ ဘယာနက ရသကို ပေါ်လွင်စေတယ်။

လျှောက်လမ်းတစ်လျှောက်တွင် လိုဏ်ဂူတော်ပေါင်း ၃၀ ရှိတယ်။ သို့ပေမယ့် တစ်ခုကား အပြီးသတ် မတည်ဆောက်နိုင်ခဲ့သဖြင့် ကြည့်ရှု လှည့်လည်နိုင်တဲ့ ဂူပေါင်းကတော့ ၂၉ တိတိပါ။ ၂၉-ဂူထဲတွင် ၁၆ ဂူကတော့ ဂူရဲ့နံရံနဲ့ မျက်နှာကြက်မှာ ရှေးခေတ်ကတည်းက ရေးဆွဲချယ်သခဲ့တဲ့ ပန်းချီးကားများ ကြွင်းကျန်ဆဲဖြစ်ပြီး ၁၃-ဂူကတော့ ပြောင်တလင်းခါ သွားပါပြီ။ ရာသီဥတုဒဏ်ကြောင့် ပျက်ဆီးသွားတယ်လို့ ယဉ်ကျေးမှုဌာနက ဆိုတယ်။ လက်ရာအမြောက်ဆုံးဖြစ်တဲ့ လိုဏ်ဂူတော် ၅-ခုကိုကား မပျက်စီးအောင် ထိမ်းသိမ်းထားဆဲပါ။ ယင်းတို့မှာ နံပါတ် ၁၊ ၂၊ ၁၆၊ ၁၇ နှင့် ၂၉ တို့ဖြစ်တယ်။ ဒီလိုဏ်ဂူတော် ၅-ဂူကို အမှောင်ချထားပြီး၊ မီးရောင် မစူးရှတဲ့၊ အလင်းလည်း မပြန်နိုင်တဲ့ လျှပ်စစ်မီးနဲ့ ထွန်းထားတယ်။ အချို့နေရာကား မှိန်ပျပျသာ မြင်ရပြီး အချို့နေရာကား လုံးဝ မှောင်နေတယ်။ ထိုင်တော်မူ ဗုဒ္ဓရုပ်ပွားတော် အများစုကို ဓာတ်မီးဖြင့်သာ ထိုးကြည့်ကာ ဖူးမျှော်ရရှာတယ်။ ဓာတ်မီးဖြင့် ကြည့်ရှုခွင့်ပေးသော်လည်း ဖလက်မီးဖြင့် ဓာတ်ပုံ ရိုက်ခွင့်မရှိပါ။ အစောင့်အကြပ် ထူထပ်စွာ ချထားသည်။ အကောင်းတကာ့ အကောင်းဆုံး လက်ရာဖြစ်တဲ့ ဂူနံပါတ် ၁-ကိုတော့ ၀င်ကြည့်ခွင့်ရဖို့ လက်မှတ်အပါအ၀င် အထောက်အထားများ ပြရတယ်။ နိုင်ငံခြားသားများ ဖြစ်ပါက ပတ်စ်ပို့ပါ ပြရပါတယ်။

လိုဏ်ဂူတော်များကို စုံအောင် ကြည့်ရှုပါက အနည်းဆုံး ၂-နာရီလောက် အချိန်ပေးရပါမည်။ စေ့စေ့စပ်စပ် ကြည့်မယ်၊ မှတ်တမ်းဓာတ်ပုံပါ ရိုက်မယ်ဆိုရင် ၃-နာရီကျော် ကြာနိုင်ပါတယ်။ ဂိုက် (ဧည့်လမ်းညွှန်) နဲ့ ရှင်းပြခိုင်းပြီး သမိုင်းအနေနဲ့ လေ့လာပါက တစ်နပ်စာအပြည့် အချိန်ပေးရမှာပါ။ တို့အဖွဲ့ကတော့ ရှေးဟောင်းသုတေသနလို ဃနသေချာစွာ မလေ့လာတော့ဘဲ လက်ရာနဲ့ ပုံသဏ္ဌာန်လောက်ကိုသာ ကြည့်ရှုသဖြင့် အချိန် ၂ နာရီခွဲလောက်သာ သုံးလိုက်တယ်။ မသွားခင်ကတည်းက သမိုင်းကြောင်း အနည်းအကျဉ်းကို တီးမိခေါက်မိနေသဖြင့် အဓိကကျတဲ့ ဂူတော်ကို အသေအချာကြည့်၊ မှတ်တမ်းတင်ပြီး၊ ကျန်သာမန်ဂူများ (ကျောင်းဆောင်လောက်သာ ရှိတဲ့ ဂူတွေ) ကို ခပ်သွက်သွက် ကြည့်လိုက်တယ်။ အပြန်လမ်းမှာမှ လိုဏ်ဂူတော် တောင်ခြေရှိ ဟိုတယ်တစ်ခုတွင် နေ့လည်စာ စားသုံးလိုက်ကြတယ်။ တောင်ခြေမှ အထွက်ကားကို တက်စီးပြီး ဘုရားဖူးကားများ ရပ်တဲ့နေရာကို ပြန်လာကြတယ်။ အမှတ်တရ ၀ယ်ခြမ်းစရာ ရှိသည်များကို နာရီဝက်လောက် အချိန်ဖြုန်းပြီး မွန်းလွဲ ၂-နာရီလောက်တွင် အာဂျန္တာကို နှုတ်ဆက် ခွဲခွါခဲ့ကြပါတယ်။

ကျောက်တောင်ကို ကျောင်းဆောင်အဖြစ် အခန်းဖွဲ့၊ အခန်းကွက်လပ်ကို ဗုဒ္ဓရုပ်ပွားတော်အဖြစ် ထုဆစ်၊ အခန်းထောက် တိုင်လုံးတွေကို လင်းနို့တောင် ဆွဲချ၊ ယက်မတွေကို ကနုတ်ပန်း ထွင်း၊ နံရံနဲ့ အတွင်းပိုင်းကို ဆေးသား ဖျော်၊ ယင်းအပေါ် ဇာတ်နိပါတ်တော်နဲ့ သရုပ်ဖော်... ဒီလို ဘက်စုံ တော်ခဲ့ကြတဲ့ ပန်းတော့၊ ပန်းတမော့၊ ပန်းပု၊ ပန်းချီ ဆရာကြီးများ၊ ရှေးခေတ်က အမွေအနှစ်ပေး အနုပညာသမားတွေကို အံ့သြချီးမွမ်းရင်း အပြန်လမ်းကို တတမ်းတမ်း တမ်းတရင်း အာဂျန္တာနှင့်ဧလိုရာ တမ်းခြင်း ကို နိဂုံးကမ္ပတ် အဆုံးသတ်ပါရစေ…..။

Jan 17, 2012

အာဂျန္တာနှင့်ဧလိုရာသို့ တမ်းခြင်း (၁)

အဲ.. အသေအချာ ပြောနိုင်တာကတော့- ဗုဒ္ဓဘာသာဝင်တွေအဖို့ သမိုင်းအဖြစ် တွင်ရစ်နေအောင် သွားသင့် လည်ပတ်သင့်သည့် နေရာဖြစ်သည်ကိုကား အမှန်ပါပေ။ သီဟိုဠ်၊ အိန္ဒိယဆိုတဲ့ဒေသတွေဟာ ဗုဒ္ဓဘာသာဝင်တွေရဲ့ အထွဋ်အမြတ် နေရာဖြစ်သလို၊ ဘယ်ဗုဒ္ဓစာပေ အရေးအသားကမှလည်း ဒီနိုင်ငံတွေရဲ့ နောက်ခံသမိုင်းကြောင်းနဲ့ ကင်းကွာလို့ မရပါ။

14/ 01/ 2012

ဒီကနေ့ ခရီးထွက်ဖြစ်ပြန်တယ်။ ဒီခရီးက တမင်ထွက်တဲ့ ခရီးမဟုတ်သလို၊ သက်သက် အလည်အပတ် သွားတဲ့ခရီးလည်း မဟုတ်ပါ။ ရောင်းရင်းဟောင်းတွေ ရောက်လာလို့ လိုက်ပို့ရတဲ့ခရီးပါ။ ပြီးခဲ့တဲ့ ဆယ်ရက် သာသာလောက်ကမှ အဖော်ကောင်း ရကာ ရတနာဂီရိဆီ ခရီးထွက်ခဲ့သေးတယ်။ အဲဒီ မီးအရှိန်က မမှိန်သေးလို့လား၊ ခရီးထွက်နေရမယ့် ဇာတာက တစ်ပတ်လည်လာလို့လား မပြောတတ်ပါ၊ ဒီသက္ကရာဇ် ၂၀၁၂ မှာ မိမိအတွက် ခရီးသွားနှစ် ဖြစ်နေတယ်။ အခုမှ ဇန်န၀ါရီလပဲ ရှိသေးတာ၊ ညဥ့်အိပ်ခရီးက နှစ်ခါတောင် ရှိသွားပါပြီ။

ခရီးထွက်တာ၊ အလည်အပတ် လျှောက်သွားတာ အထူးအဆန်းတော့ မဟုတ်ပေမယ့် ပြည်ပနိုင်ငံမှာ စာသင်နေတဲ့ သူတစ်ယောက်အဖို့တော့ “မယောင်ရာ ဆီလူး” ကျနေသလားလို့ပါ။ ဒါ့အပြင် ခရီးထွက်ရင် အာရုံတွေ ထွေပြားတယ်၊ စာဘက် စိတ်ဝင်စားမှု လျှော့သွားတတ်တယ်မို့လား။ စာကို ပိုလုပ်ဖို့ ဆိုပြီး ၂၀၁၀ နဲ့ ၂၀၁၁ မှာ မယ်မယ်ရရ ဘယ်မှ ခရီးမထွက်ဖြစ်ခဲ့ဘူး။ အဲ… အသိဧည့်သည် လုံးဝ ရောက်မလာလို့ ခရီးထွက် လိုက်ပို့ မဖြစ်တာ ပြောရင် ပိုမှန်နေမလားပဲ။ သားကောင်မရလို့ ကျားဥပုသ်စောင့်တာပဲ ပြောပြော၊ ထမင်းအိုးမှောက်လို့ ရွှေမုဋ္ဌောကိုပဲ လှူလိုက်ပြီ ဆိုဆို၊ ကျောင်းစာ တစ်ခုတည်းနဲ့ လုံးချာလပတ် လည်ခဲ့တဲ့နှစ်လို့ ပြောအားရှိတာတော့ အမှန်ပါ။

ဆိုရရင် သီရိလင်္ကာ (သီဟိုဠ်ကျွန်း) မှာ ကျောင်းစတက်တဲ့၂၀၀၆ ကနေ ၂၀၀၉ တောက်လျှောက် ထွက်လိုက်တဲ့ခရီးတွေ မိုင်ပေါင်းကုဋေ။ အဲ… ယောင်လို့။ အဲလို မဟုတ်တောင် ကီလိုမီတာပေါင်း ထောင်သောင်းချီ။ တမင်ခရီးထွက်ချင်စိတ် သိပ်မကြီးမားလှပေမယ့် အကြောင်းအရာတွေက ဖန်လာတော့ ထွက်ကို ထွက်လိုက်ရတယ်။ တစ်ပါးတည်းကော၊ အဖော်နဲ့ရော၊ ဂိုက်အဖြစ်နဲ့ပါ သွားလိုက်တဲ့ခရီးက အစုံပါပဲ။

ဒါပေမယ့် သွားခဲ့ဖူးတဲ့ခရီးတွေက အမေရိကားတို့ ဥရောပတို့ မဟုတ်ခဲ့ပါ။ ကြီးကျယ်ခမ်းနားလည်း မနေပါ။ ခေတ်အမြင်နဲ့ တိုင်းထွာမယ် ဆိုရင်ပေါ့။ ရောက်ခဲ့ဖူးတဲ့ နေရာတွေက အရှေ့တောင်နဲ့ တောင်အရှ နိုင်ငံတွေမျှသာ။ စွန့်စားတဲ့ခရီးလည်း မဟုတ်သလို၊ အံ့ချီးဘနန်း နိုင်ငံတွေလည်း ပါမနေပါ။ သာမန် လူသားတိုင်း သွားနိုင်တဲ့ ခရီးတွေမျှသာ။ အဲ.. အသေအချာ ပြောနိုင်တာကတော့- ဗုဒ္ဓဘာသာဝင်တွေအဖို့ သမိုင်းအဖြစ် တွင်ရစ်နေအောင် သွားသင့် လည်ပတ်သင့်သည့် နေရာဖြစ်သည်ကိုကား အမှန်ပါပေ။ သီဟိုဠ်၊ အိန္ဒိယဆိုတဲ့ဒေသတွေဟာ ဗုဒ္ဓဘာသာဝင်တွေရဲ့ အထွဋ်အမြတ် နေရာဖြစ်သလို၊ ဘယ်ဗုဒ္ဓစာပေ အရေးအသားကမှလည်း ဒီနိုင်ငံတွေရဲ့ နောက်ခံသမိုင်းကြောင်းနဲ့ ကင်းကွာလို့ မရပါ။ ဗုဒ္ဓဂယာ- ဘုရားပွင့်တော်မူရာ နေရာ၊ မဟာစေတီ - ဗုဒ္ဓဘာသာတွေရဲ့ စံနမူနာ စေတီတော်- ဒါတွေဟာ သွားလည်ပတ်သင့်ရုံသာမက သံဝေဂ ပွားများနိုင်အောင် စိတ်နှလုံး သွင်းထားရမယ့် နေရာတွေလည်း ဖြစ်တယ်။ အဲလို နှလုံးသွင်းမှုနဲ့ပဲ ဗုဒ္ဓဂယာကို ၃-ခေါက်ထက်မနည်း အရောက် သွားဖူးခဲ့တယ်။ ဗုဒ္ဓဂယာဆိုလို့ ဘုရားပွင့်တဲ့ နေရာ တစ်ခုတည်းတော့ မဟုတ်ပါ။ အများသူငါ သွားရောက်လည်ပတ်သလိုပါပဲ၊ အ၀ိဇဟိတ ၈-ဌာနတို့ သံဝေဇနိယ ၄-ဌာနတို့ ပါဝင်ပါတယ်။

ယင်းအပြင် အသောကဘုရင်ရဲ့ မူရင်းလက်ရာ ပိုဗာမြို့က ဗိသုကာပညာရပ်နဲ့ ကမ္ဘာကျော်နေတဲ့ ဆန်ချီစေတီတော်ကိုလည်း အပြေးအလွား သွားလိုက်တာပါပဲ။ အမြင်မတော် ဆင်ဖြူတော်နဲ့ ခလောက်လို့ပဲ ဆိုဆို၊ အမြင်မကောင်း ဘုန်းကြီးနဲ့ ဦးဆောင်းပဲ ပြောပြော၊ ကမ္ဘာကျော် အချစ်ဗိမာန် တည်ရှိရာ အဂ္ဂရာက တပ်ခ်ျမဟာကိုလည်း လက်မလွတ်ပဲ ဇွတ်လည်ပတ်ခဲ့ပါသေးတယ်။ ခုတစ်ခါ ခရီးထွက်ရပြန်တယ်။ ခုတစ်ခေါက် ခရီးက မထွက်မဖြစ် ထွက်ကိုထွက်ရမယ့် ခရီးဖြစ်နေတယ်။ ဧည့်သည်တွေကို လိုက်ပို့ရတဲ့ခရီး ဆိုပါတော့။ လိုက်ပို့လို့သာ ပြောရပေမယ့်လည်း ကိုယ်ကိုယ်တိုင် တစ်ခါမှ မတစ်ခါဖူးတဲ့ ခရီးအသစ် ဖြစ်နေတယ်။ သီဟိုဠ်မှာတုန်းက အတူနေ အတူစား၊ အတူသွား အတူလာ၊ အတန်းလည်း တူ၊ စိတ်ထားလည်း အတူဆိုတဲ့ ရောင်းရင်း စာသင်ဖက်တွေ ဆိုက်ရောက်လာတယ်။ ဆိုင်းမဆင့် ဗုံမဆင့် ရောက်လာတယ်လို့ ပြောနိုင်ပေမယ့် သူတို့ကို ဖိတ်ခေါ်နေတာက ကြာလှပါပြီ။ ဂယာဆိုဒ် (ဗုဒ္ဓဂယာဝန်းကျင်) လောက်ပဲ ရောက်ဖူးတဲ့ ကိုယ့်ရောင်းရင်းတွေကို မဟာရဋ္ဌ (မြို့ကြီး) က ဘယ်လိုဆိုတာကို ကြွားချင်သကိုး။ မဟာရဋ္ဌကလည်း ပေ့ါသေးသေးတော့ ဘယ်ဟုတ်မလဲ။ ဘုရားပွင့်တဲ့နေရာ မဟုတ်တာတောင် ဘုရင်အသောကရဲ့ ကိုးတိုင်းကိုးဌာန သာသနာပြု စေလွှတ်ခန်းထဲက တစ်ခန်းရပ် ပြဇာတ်လေ။ အဲ… ဟုတ်ပေါင်၊ တစ်ခေတ်ဆန်း သာသနာပြုခန်းပေါ့။ မြန်မာနိုင်ငံ သထုံမြို့ဆိုတဲ့ သုဝဏ္ဏဘူမိ၊ သီဟိုဠ်ဆိုတဲ့ တမ္ဗပဏ္ဏလို နေရာမျိုး တစ်ခုပါ။

မဟာရဋ္ဌရဲ့မြို့တော်က မွန်ဘိုင်းမြို့ပါ။ မွန်ဘိုင်းကို ရှေးက ဘုံဘေ-လို့ ခေါ်ဝေါ်ပြီး၊ ယခုအခါမတော့ မွန်ဘိုင်း-လို့ ပြောင်းလဲ ခေါ်ဝေါ်ကြတယ်။ မမ္မဒေ၀ီလို့ ခေါ်တဲ့ ဟိန္ဒူနတ်ဘုရားမကို အကြောင်းပြုလို့ပါ။ မွန်ဘိုင်းက အိန္ဒိယနိုင်ငံရဲ့ စီးပွားရေး အချက်အချာ မြို့တော်တစ်ခု ဖြစ်သလို အင်တာတိန်းမင်းန်လို့ ခေါ်တဲ့ ဖြေဖျော်ရေးလုပ်ငန်းမှာလည်း ထိပ်တန်းအဆင့် ရှိတယ်။ ဘောလီဝုဒ်ဆို အမေရိကန်က ဟောလီဝုဒ်နဲ့ နင်လားငါလား အပြိုင်ပဲပေါ့။

မွန်ဘိုင်းက အိုင်တီတွေနဲ့ ခေတ်မီနေသလောက် မဟာရဋ္ဌပြည်နယ်ရဲ့ မြို့နယ်လေးတွေကလည်း ဘယ်ခေမတုန်း။ ကမ္ဘာကျော် ပန်းချီ ပန်းပု ပန်းတော့ ပန်းတမော့တွေနှင့် အံ့ဖွယ် ဗိသုကာ ပညာရပ်ဆန်းတွေက လန်းမှလန်း။ အာဂျန္တာဆိုတာနဲ့ ကမ္ဘာကျော်တဲ့ ကျောက်ဂူကြီးဆိုတာ လူတိုင်းသိ။ ရတနာဂီရိ အသံကြားတာနဲ့ မြန်မာတိုင်းသိ။ ဧကပူရီဆိုတာနဲ့ ဆရာကြီးဂိုအင်ကာရဲ့ ကမ္ဘာကျော် ၀ိပဿနာစင်တာ တည်ရှိရာကို ညွှန်းတယ်ဆိုတာ လူတိုင်းသိပေါ့။ ဒါက ဗုဒ္ဓဘာသာဘက်ကနေ ကြွေးကြော်နေရုံသာ။ အခြားဘာသာဘက်က ကြည့်ရင်လည်း သမိုင်းခြေရာက နေရာအနှံ့ ပြန့်မှပြန့်။ ဟိန္ဒူတို့ရဲ့ ရှီဝဂျိ ပျော်စံရာ ဧလိုရာ လိုက်ဂူတော်၊ မမ္မဒေ၀ီရဲ့ ကျွန်းစု ၇-ခု။ မွတ်စလင် ဘာသာဝင်တို့ရဲ့ အော်ရန်းကဗတ်မြို့က ဘီဘီကာ မက္ကဘရာ-စတဲ့သမိုင်းအကြွင်းအကျန်တွေ တူးဖော်လို့ မကုန်ခမ်းနိုင်အောင် ရှေးဟောင်းအမွေအနှစ် ဖြစ်ထွန်းခဲ့တဲ့ မဟာရဋ္ဌတိုင်းကြီးပေါ့။

ဒီတစ်ခါ ခရီးက အရင်လို ညသန်းခေါင်အချိန်မှာ ထွက်တော်မူ နန်းတော်က ခွါတယ် မဟုတ်ပါ။ လင်းအားကြီးအချိန်လောက်ကျမှ ကျောင်းဆောင်ကနေ ထွက်ခဲ့ရတယ်။ ရတနာဂီရိ သွားတုန်းကလို အိစ်စ်ပရက် ရထားကြီးကို စီးပြီး ခရီးနှင်ခဲ့ခြင်းလည်း မဟုတ်ပြန်ပါ။ အင်နိုဗာကားလေးကို အပြတ်ဌားပြီး သွားရောက် လည်ပတ်ခဲ့တာပါ။ သီရိလင်္ကာမှာ စာသင်ကြားနေဆဲဖြစ်တဲ့ ကရင်ပြည်နယ်နှင့် မွန်ပြည်နယ်က ကိုယ်တော် ၃-ပါး၊ ဗုဒ္ဓဂယာ မာဂဓတက္ကသိုလ်က ကိုယ်တော် ၂-ပါး၊ ကာလိဒါသ ယူနီဗာစီတီမှာ ပီအိပ်ခ်ျဒီ လုပ်နေတဲ့ မြင်းမူက ကိုယ်တော်၊ စာရေးသူ။ အာလုံးပေါင်း ၇-ပါးပေါ့။ အာရုဏ်ကျင်းချိန်ဖြစ်တဲ့ မနက်ခင်း ၅-နာရီလောက်မှာ ကျောင်းဆောင်ကနေ စတင် ထွက်ခွါကြတယ်။ မွန်ဘိုင်း-နာဆစ် အဝေးပြေးကားလမ်းမကြီးကို ရွေးချယ်ပြီး ခရီးနှင်ခဲ့ကြတယ်။

ဧကပူရ်မှာ မနက်စာအဖြစ် လက်ဖက်ရည်နဲ့မုန့် သုံးဆောင်ကြပြီး ခရီးဆက်တယ်။ ကားဆရာက ငယ်ရွယ်သူပီပီ နွန်စတော့ကို အပြတ်မောင်းတော့တယ်။ ဂျီပီအက်စ် မြေပုံစနစ် အကူအညီနဲ့ သွားတာမို့လို့ လမ်းဆုံလမ်းခွ ရောက်တိုင်းကို သံသယ ကင်းကင်းနဲ့ မောင်းနှင်နိုင်ခဲ့တယ်။ အိုင်ပက်တူးကို အတင်းထည့်ပေးလာတဲ့ ကျိုက်ထိုက သူငယ်ချင်းကို ကျေးဇူး အခါခါ တင်နေမိတယ်။ နေ့ခင်း ၁၁-ကျော်ကျောလောက်မှာ ဧလိုရာရွာကို ရောက်လာခဲ့ပြီး အနားယူ နေ့လည်စာ သုံးဆောင်ကြတယ်။ မွန်းလွဲ ၁၂ နာရီလောက်မှာမှ ဧလိုရာလိုဏ်ဂူတော်ကြီးကို စတင် လှည့်ပတ်ကြည့်ရှုခဲ့ပါတယ်။ (ဧလိုရာ သမိုင်းကြောင်းကို သီးသန့် တင်ပြပါဦးမည်)။ ဧလိုရာလိုဏ်ဂူတော်ကြီးဟာ ကျောက်တောင်အမျိုးအစား ဖြစ်ပါတယ်။ အလျားလိုက် ရှည်မျှောမျှောဖြစ်နေတဲ့ ကျောက်တောင်ကြီးကို ရှေ့မျက်နှာစာ ဖြတ်တောက်ကာ ဆိုင်ရာယဉ်ကျေးမှု သမိုင်းကြောင်းများကို ကျောက်ထွင်း ထုဆစ်ထားသည့် လိုဏ်ဂူတော်ကြီး ဖြစ်တယ်။

ကျောက်တောင်တကြောလုံးကို လိုဏ်ဂူတော် ၃၄-ခု (အခန်း ၃၄-ခန်း) တို့နဲ့ အခန်းဖွဲ့ ထုဆစ်ထားခြင်း ဖြစ်ပါတယ်။ အခန်း ၁ ကနေ ၁၂ အထိကို ဗုဒ္ဓ၀င်ဆိုင်ရာ အချက်အလက်များနဲ့ ကျောက်ဆစ် ထွင်းထုထားပြီး၊ နောက်ထပ် ၁၆ ခန်း (၁၃ ကနေ ၂၈ အထိ) တို့ကို ဗြာဟ္မဏ၀ါဒဆိုင်ရာ အချက်အလက်များနဲ့ ပုံဖော်ထားသည်။ ကြွင်းကျန်သော အခန်းများကား ဂျိန်းဘာသာဝင်နဲ့ သက်ဆိုင်ပါသည်။

လိုဏ်ဂူ ၃၄ ခန်းအနက် အခန်းနံပါတ် ၁၆ လိုဏ်ဂူကတော့ အကြီးကျယ်ဆုံးနဲ့ အခမ်းနားဆုံးပါ။ မိန်းလမ်းမကြီး အ၀င်ဝနဲ့ ဆက်သွယ်ထားသလို အခန်းတွင်းရှိ ဖွဲ့စည်းမှုကလည်း ထည်ဝါလှပါတယ်။ ကျောက်ဆစ်လက်ရာကို အနုစိတ်စွာ ပုံဖော်ထားသဖြင့် ကြည့်ရှုသူတိုင်းက အံ့သြချီးကျူးရပါတယ်။ ကနေ့တိုင်အောင် ဘုရားတန်ဆောင်း ကျောင်းတိုက်ကြီးတွေမှာ အသုံးပြုဆဲဖြစ်တဲ့ လင်းနို့တောင် ကနုတ်တွေ၊ ပွတ်လုံး တိုင်လုံးကြီးတွေဟာ ဧလိုရာကနေ သန္ဓေတည်ခဲ့မှန်း မျက်မြင်ကျမှ ရှင်းလင်းစွာ သိရှိခဲ့ရပါတယ်။ ဧလိုရာ လိုဏ်ဂူတော်ကြီးရဲ့ သမိုင်းကြောင်းကား မယုံနိုင်လောက်အောင် ရှည်လျားသလောက် ဖျောက်ဖျက်လို့မရလောက်အောင်ကို ခိုင်ခန့်တည်မြဲဆဲပါ။

အခန်းတွေ စုံလင်အောင် ကြည့်ရှုခြင်း၊ မှတ်တမ်းတင်ခြင်း၊ အမှတ်တရ ဓာတ်ပုံရိုက်ခြင်းအမှု ပြုလုပ်ပြီးနောက် အပြင်သို့ထွက်ကာ အမောပြေ အအေးလေး သောက်ကြပါတယ်။ အချိန်ကုန်မှန်း မသိ၊ ညောင်းညာမှန်း မသိလောက်အောင် ဆွဲဆောင်အားကောင်းလှတဲ့ ဧလိုရာ လိုဏ်ဂူတော်ကြီးကနေ နှုတ်ဆက် ခွဲခွါခဲ့တဲ့ အချိန်သမယမှာ ညနေစောင်းလို့နေပါပြီ။ တည်းခို နားနေဖို့ရာ အော်ရန်းဂဗတ် မြို့တွင်းဘက်သို့ မောင်းထွက်လာခဲ့ကြတယ်။ ဘူတာကြီး အနီးအနားရှိ ဟော်တယ်တွေကို စုံစမ်းပြီး ပ၀ါရဏာ ဆိုတဲ့ ဟိုတယ်မှာ တစ်ညတာ အခြေချဖို့ ဆုံးဖြတ်ခဲ့ကြတယ်။

ဧလိုရာလိုဏ်ဂူတော်ကြီးနဲ့ အော်ရန်းဂဗတ်မြို့ရဲ့ အကွာအဝေးကတော့ ကီလိုမီတာ ၂၀ ၀န်းကျင်မျှသာ။ မိန်းလမ်းမကြီးရဲ့ အဆုံး ဘူတာလမ်းဆုံ အကွေ့လေးမှာ တည်ရှိနေတဲ့ ပ၀ါရဏာ ဟိုတယ်ကား သိပ်ပြီး ကြီးကျယ်ခမ်းနား မနေပေမယ့် သန့်ပြန့်နေတဲ့ ဟိုတယ်တစ်ခုပါ။ အဲယားကွန် တပ်ဆင်ထားပေမယ့် သုံးစရာ မလိုလောက်အောင် အော်ရန်းဂဗတ်ရဲ့ ဆောင်းချမ်းကြီးက လွှမ်းခြုံထားလို့နေပါပြီ။ အော်.. မနက်ဖန်ဆို ကမ္ဘာကျော် အာဂျန္တာ လိုဏ်ဂူတော်ကြီးကို ကြည့်ခွင့်ရအုံးမှာမို့ စောစောလေး အိပ်ရာဝင်ရမှာပါလေ။ အိပ်ပျော်ဖို့ ကြိုးစားရင်း ငယ်ငယ်တုန်းက ဖတ်ခဲ့ဖူးတဲ့ စာရေးဆရာ ချစ်ဦးညိုရဲ့ “အဆိပ်နှင့် ကမ္ဘာတစ်သိန်း” ၀တ္ထုကို ပြန်ပြောင်း အတွေးရောက်နေမိတယ်။ ကျောက်ဂူကြီးကို ထွင်းဆစ်၊ နံရံ ပန်းချီးကားကို ဆွဲခြစ်ခဲ့တဲ့ ဇာတ်လိုက်ကျော်ကို သနားနေမိပြန်တယ်။ သနားရင်း တွေးရင်း အိပ်မက်ကမ္ဘာသို့ ရောက်ခဲ့ရပြန်ပြီ။

Jan 4, 2012

လွတ်လွပ်ရေးယနံ့ သင်းပျံ့မနေတဲ့ အတိတ်က အပိုင်းအစ

ရတနာဂီရိ-အသံကို ကြားတာနဲ့ အသည်းနင့်အောင် ခံစားရတဲ့ အမည်နာမ တစ်ခုပေါ့။ ဒီနာမည်ကို ဘယ်မြန်မာ အမျိုးသားကမှ မေ့ပျောက်လို့ ရကောင်းတဲ့ အမည်နာမမှ မဟုတ်တာ။ သမိုင်းတည်သရွှေ့ ဖျောက်ဖျက်လို့ မရတဲ့ အမည်နာမ မဟုတ်လား

အဖော်ကောင်းသဖြင့် ကနေ့ ခရီးထွက်ဖြစ်တယ်။ ခရီးဆိုပေမယ့် အပျော်ခရီးရယ်တော့ မဟုတ်ပါ။ လေ့လာရေးခရီးပဲ နာမည်တပ်လိုက်ရမလား၊ တမင်ကလာခရီးလို့ပဲ အမည်ထွင်ချင်တာလားရယ်တော့ သိပ်မသဲကွဲလှပါ။ ငယ်ငယ်ကတည်းက စာတွေ့ရူး ရူးခဲ့တဲ့နေရာ တစ်နေရာကို ကနေ့ လက်တွေ့ ရောက်ဖြစ်သွားတယ်။ ဆိုတော့ကာ ဆန္ဒပြင်းပြစွာ ရောက်ချင်သည့် နေရာတစ်နေရာကို တကယ် ရောက်ရှိတဲ့အခါ အတိုင်းအဆမရှိ ပီတိတို့ ဖြာနေရမှာ အမှန်ပေါ့။ လူ့လောက ရှု့ထောင့်ကနေပဲ ကြည့်ကြည့်၊ အနုပညာရသကနေပဲ ခံစားခံစား ကြည်နူးစိတ်တို့က တားမရ ဆီးမရ စီးဝင်နေရမှာပဲပေါ့။

အခုတော့ကာ တခြားဆီပါပဲလား။ ရောက်သွားဆိုရုံလေးထက် သိပ်တော့ မပိုလှဟု ခံစားမှုက ဖော်ပြနေသလိုလို။ အကြောင်းတရားက ဘာလဲဆိုတာ ဝေခွဲမရ။ ငယ်ငယ်က အိပ်မက်ဟာ အချိန်အတန်နှောင်းမှ အကောင်အထည် ဖော်နိုင်ခဲ့လို့ပဲလား။ ဒီနေရာအရင် အခြားကြေကွဲဖွယ် နေရာများစွာကို ရောက်ခဲ့ဘူးလို့ ခံစားမှုတို့က အတွေ့အကြုံကို မလွှမ်းခြုံနိုင်လို့လား။ သီပေါမင်းရဲ့ နန်းတော်ကုတ်က ၀မ်းနည်းမှုသရုပ်ကို အဟုတ် မဖော်ထုတ်နိုင်လို့လား။ နန်းကျဘုရင်တစ်ပါးရဲ့ သရုပ်သကန်က အမှန်မပီပြင်ခဲ့လို့လား။ တိုင်းတစ်ပါးသားတို့ရဲ့ ဗိသုကာပညာရပ်ကို မခံစားတတ်လို့လား။ ပဒေသရာဇ်တို့ရဲ့ လက်သုံးစကား “ရှင်လျှင်ရွှေထီး၊ သေလျှင် မြေကြီး”ဆိုတဲ့ ဗျူဟာကြီးကို မုန်းတီးတဲ့ အသိတရားတွေကြောင့်လား . . . စသည်ဖြင့် လားပေါင်းများစွာနဲ့ ဘာကိုမှ မသဲကွဲ၊ ဝေး၀ါးဆဲပါ။

ဘ၀ရှင် မင်းတရားကြီးတစ်ပါး ဘုန်းကံ ထွန်းတောက်ခဲ့စဉ်က ဘ၀။ မိဖုရား၊ မောင်းမမိဿံ၊ ကိုယ်တော်လုပ်တို့နှင့် ပြောသမျှအဟုတ် အလုပ်ဖြစ်ခဲ့စဉ်က အခြေအနေ- ယင်းအရာအားလုံးတို့သည့် ယခု မျက်မြင်တွေ့ခဲ့ရသည့် အကျဉ်းစံ မင်းတစ်ပါးအတွက် ဖြစ်ရုံလေး တည်ဆောက်ပေးခဲ့တဲ့ စံအိမ်တော်ကား အကွာအခြားကြီး ကွာခြားနေမည် အမှန်။ ထိုသရုပ်သကန်ကို ကြည့်ပြီး အဖော်ပါ မကွေးက မိတ်ဆွေကို ဘယ်လိုခံစားရပါလိမ့် မေးကြည့်မိတယ်။ သူ့ရဲ့ခံစားချက်က ကိုယ့်ထက် ဆိုးဝါးနေပါလား။ မလွမ်းလောက်ပါဘူးတဲ့။ “တော်” ရင် “စံ”၊ “အ” ရင် “ခံ” ပေါ့။ မိတ်ဆွေရဲ့သဘောထားက အားမတန်လို့ မာန်လျှော့ခဲ့ရတာထက် မတော်လို့ လျှော်ကျလာတဲ့သဘောကို ညွှန်းလိုမှန်း နားလည်ပါတယ်။ သို့သော် အားမတန်လို့ မာန်လျှော့ရခြင်း၊ မတော်လို့ လျှော်ကျခြင်းတို့၏ နောက်ကွယ်ဖြစ်ရပ်မှန်ကား သမိုင်းသက်သေက ပြပေးနေမည်သာ။

ဘုံဘေ ခေါ်ခေါ် မွမ်းဘိုင် ပြောပြော မဟာရဋ္ဌပြည်နယ်ရဲ့ မြို့တော်ကနေ ညသန်းခေါင်အချိန်မှာ ထွက်တော်မူ နန်းတော်က ခွါခဲ့ပါတယ်။ သစ္စာလေးပါး အမှန်တရား ရှာဖို့ရာ ဗုဒ္ဓဘုရားလို တောထွက်ခြင်းမျိုးတော့ မဟုတ်ပါ။ တစ်ခါတုန်းက နန်းကျဘုရင် သီပေါမင်းရဲ့ စံအိမ်ကို သွားရောက်လေ့လာခြင်းပါ။ ဗုဒ္ဓအလောင်းတော်လို ကဏ္ဍက-မြင်းကြီး စီးပြီး အနော်မာမြစ်ကို ခုန်ကူးခြင်းလည်း မဟုတ်ပါ။ အိစ်စ်ပရက် ရထားကြီးကို စီးပြီး ဥမင်ဂူပေါင်း မြောက်မြားစွာကို ဖြတ်သန်းပြီး ခရီးနှင်လာခဲ့ခြင်းပါ။ အတွဲ ၂၁ တွဲပါတဲ့ ရထားကြီးက ညသန်းကောင်ကြီးမှာ တဟီးဟီးနဲ့ အသံပေးပြီး ခုတ်မောင်းလာလိုက်တာ ကြောက်စရာအတိပေါ့။ မင်္ဂလောမှာ လေယာဉ် ဘီးချော်ခဲ့ဘူးတဲ့ကိစ္စ၊ အန္ဓရပရဒေ့ခ်ျမှာ ရထား လမ်းချော်ခဲ့တဲ့ဖြစ်ရပ်တို့က မြင်ယောင်လာလို့ ကြောချ အိပ်စက်လို့မရ။ ရတနာဂီရိသည် မွမ်းဘိုင်-မင်္ဂလော ဟိုက်ဝေးလမ်းမကြီးပေါ်က လမ်းကြားမြို့ဆိုတော့ ဒီဟိုက်ဝေးရထားကို ရှောင်လွှဲလို့မရ။ နိုးတ၀က် အိပ်မက်များစွာနဲ့ မနက် ၉-နာရီကျော်ကျော်လောက်တွင် ရတနာဂီရိ ဘူတာကြီးကို ဆိုက်ရောက်လာတယ်။

ရတနာဂီရိ

ရတနာဂီရိ-အသံကို ကြားတာနဲ့ အသည်းနင့်အောင် ခံစားရတဲ့ အမည်နာမ တစ်ခုပေါ့။ ဒီနာမည်ကို ဘယ်မြန်မာ အမျိုးသားကမှ မေ့ပျောက်လို့ ရကောင်းတဲ့ အမည်နာမမှ မဟုတ်တာ။ သမိုင်းတည်သရွှေ့ ဖျောက်ဖျက်လို့ မရတဲ့ အမည်နာမ မဟုတ်လား။ ကျောက်တင်အက္ခရာကို နှစ်တွေဟောင်းလာတော့ ဖျောက်ဖျက်ကောင်း ဖျောက်ဖျက်နိုင်တယ်။ သို့တိုင် သမိုင်းတင် အမည်နာမကိုတော့ နှစ်ပရိစ္ဆေဒ ဘယ်မျှကြာနေကာမူ ပျောက်ပျက် မသွားပါ။ သို့ဖြင့် ရတနာဂီရိ ပထ၀ီဝင်ကို သင်ယူတာနဲ့ သီပေါမင်းကို ချန်လှပ်ထားလို့ မရသလို၊ သီပေါမင်း သမိုင်းကြောင်းကို လေ့လာပါကလည်း ရတနာဂီရိကို မချွင်းချန်စကောင်း။ ရတနာဂီရိ+သီပေါ၊ သီပေါ+ရတနာဂီရိ ဒွိစုံနဲ့ ဒွန်တွဲနေရတဲ့ အမည်နာမလေးတွေပေါ့။

မှတ်မှတ်ရရ။ ဒီကနေ့ (ဇန်န၀ါရီ ၄-ရက်နေ့) ဟာ မြန်မာပြည် အချုပ်အခြာ ရရှိတဲ့နေ့၊ ကိုယ့်ထီးကိုယ့်နန်း ကိုယ့်ကြငှန်းနဲ့ စံမြန်းနိုင်တဲ့နေ့၊ ကျွန်သပေါက်ဘ၀ကနေ လွတ်မြောက်လို့ လွတ်လပ်ခြင်း ရသကို ရရှိတဲ့နေ့၊ လွတ်လပ်ရေးနေ့ပေါ့။ လွတ်လပ်ရေးနေ့မှာ လွတ်လပ်ခြင်း အနုပညာကိုလည်း ဖန်တီးနေရမယ်။ လွတ်လပ်မှုရသကို မျှဝေခံစားနေရမယ်လေ၊ လွပ်လပ်ခွင့်ရကြတဲ့ လူတွေကိုယ်စီပေါ့။ ဒါပေမယ့် ဒီအစား လွတ်လပ်ရေးနေ့မှာ ဒီရတနာဂီရိ အမည်နာမကြောင့် မလွတ်လပ်မှုက ရင်ကို ချည်နှောင်ထားသလိုပါပဲလား။

အတွေးတွေကို ခေါက်ထားဦး။ ရတနာဂီရိ အကြောင်းကို ငဲ့စောင်း ကြည့်ကြရအောင်။ ရတနာဂီရိဟာ ဆိပ်ကမ်းမြို့တစ်ခု ဖြစ်ပြီး အာရေဗီယံ ပင်လယ်ကမ်းခြေကို အခြေစိုက်ထားတယ်။ အိန္ဒိယနိုင်ငံ၊ မဟာရဋ္ဌပြည်နယ်အတွင်းက မြို့လေး တစ်မြို့ပါ။ မြို့တော်ဖြစ်တဲ့ မွမ်းဘိုင်ကနေ ကီလိုမီတာ ၃၆၀ ဝေးကွာပြီး အနောက်တောင်အရပ်တွင် တည်ရှိတယ်။ အရှေ့တကြောမှာ စာဟျဒ်ဒရီ တောင်တော်ကြီးက ကာဆီးထားတယ်။ ပင်လယ်ကမ်းခြေ ဒေသများအနက် မိုးရေမှတ် အများဆုံး ရွာသွန်းတဲ့ ဒေသအဖြစ် မှတ်တမ်းဝင်ထားတဲ့မြို့ ဖြစ်သည့်တိုင် အချို့ချိုင့်ဝှမ်းဒေသမှာတော့ ဆန်စပါး၊ အုန်းသီး၊ သီဟိုဠ်သရက်နှင့် သစ်သီးဝလံ စိုက်ပျိုးဖြစ်ထွန်းတဲ့ ဒေသဖြစ်တယ်။ တံငါလုပ်ငန်းကတော့ အဓိက အလုပ်အကိုင်ပေါ့။

ရတနာဂီရိကား အိန္ဒိယရဲ့ ထင်ရှားကျော်ကြားတဲ့ အထင်ကရ ပုဂ္ဂိုလ်များရဲ့ မွေးရပ်မြေလည်း ဖြစ်တယ်။ ဗြိတိသျှ လက်အောက်ကနေ လွတ်လပ်ရေးကြိုးပမ်းရာမှာ တော်လှန်ရေးခေါင်းဆောင်ဖြစ်တဲ့ လောကမယဘွဲ့ရ ဗာလ်ဂင်္ဂဓာရ် တိလက်၊ လူမှုတော်လှန်ရေးနှင့် ခေတ်ပညာရေးကို အသက်သွင်းခဲ့ကြတဲ့ ဘာရတ် ရတန၊ ဒွန်ဒို ကေသျှဝ ကရဗေ - အစရှိတဲ့ ပုဂ္ဂိုလ်များဟာ ရတနဂီရိက မွေးပြီး ရတနာဂီရိက ကျွေးတဲ့ သွေးသောက်တွေပေါ့။ မှန်နန်းရာဇာဝင်၊ အမိတဗ်ဃောသျှ ၀တ္ထုတွေမှာ ဖော်ပြခံရတဲ့ သမိုင်းဝင် နေရာတစ်ခု ဖြစ်သလို၊ ဂျိုင်းတပူရ် နျူကလီယားဓာတ်ပေါင်းဖို စီမံကိန်းရှိတဲ့ မဟာအင်အားကြီး မြို့လည်း ဖြစ်တယ်။

ရတနာဂီရိရဲ့ သမိုင်းကြောင်းကတော့ အိန္ဒိယနိုင်ငံလို ကြီးကျယ်ပြီး၊ မြန်မာပြည်လို ရှည်လျားလှပါတယ်။ ခရစ်နှစ် ၁၇၃၁ ခုမှာ ရတနာဂီရိဟာ သတ္ထာရဘုရင်ရဲ့ လက်အောက်ကို ကျရောက်ခဲ့ပြီး၊ မဟာရဋ္ဌပြည်နယ်ရဲ့ မြို့တော် ဖြစ်ခဲ့ဘူးတယ်။ ၁၉၁၈ ခုနှစ်မှာမှ ဗြိတိသျှလက်အောက် ကျရောက်ခဲ့တာပါ။ ရှေးတုန်းက ပိုတုချင်နာရဒ်ဒီလို့ အမည်ရတဲ့ ဗီဇပူရ်မင်းဆက်က ဆိပ်ကမ်းကို တည်ဆောက်ခဲ့ပြီး မာရဋ္ဌီဘုရင်ဖြစ်တဲ့ ရှီဝဂျိ ကတော့ ၁၆၇၀ မှာ ဆိပ်ကမ်းကို ထပ်တိုးချဲ့ခဲ့တယ်လို့ ဆိုပါတယ်။

ရတနာဂီရိဟာ မြန်မာတို့ရဲ့ နေ၀င်ဘုရင်ကြီး သီပေါမင်း အကျဉ်းစံ နန်းတော် တည်ရှိရာ အိမ့်နိမ့်စံ နေရာဖြစ်သလို၊ ဗြိတိသျှကို အာခံတဲ့ တော်လှန်ရေးသမား ဗီဒီဆာဝါကာ အုပ်စိုးခဲ့တဲ့ နေရာအမှန်လည်း ဖြစ်တယ်။ ယင်းအပြင် မဟာဘာရတရဲ့ ဒဏ္ဍာရီအလိုအရ ဗန္ဓုဘုရင်ကြီးရဲ့ သားတော်ဖြစ်တဲ့ ပဏ္ဍ၀က တစ်ဆယ့်နှစ်နှစ်တိုင်အောင် အခြေချခဲ့တဲ့ ဘူမိနက်သန်လည်း ဖြစ်နေပြန်တယ်။

ဗြိတိသျှ ကိုလိုနီခေတ်တွင် ရတနာဂီရိသည် လူသူမနီး တောကြီးမျက်မည်း အတိဖြစ်နေတဲ့ နေရာဒေသပါ။ ဒါကြောင့်လည်း နန်းကျဘုရင် သီပေါမင်းကို မန္တလေး ဂေါဝိန်ဆိပ်ကမ်းကနေ သဘောင်္နဲ့ သယ်ဆောင်လာပြီး ဒီနေရာကို ရွှေးချယ် အကျဉ်းချခဲ့ခြင်း ဖြစ်ဟန်တူတယ်။ သို့သော် ကနေ့ခေတ် ရတနာဂီရိကား ပညာရေးဇုန်၊ စက်မှုဇုန်၊ အဏ္ဏ၀ါသုတေသန စင်တာတွေနဲ့ အလွန်စည်ပင်နေတဲ့ မြို့တစ်မြို့ ဖြစ်နေပါပြီလေ။ မွမ်းဘိုင်မြို့တော်နဲ့ မင်္ဂလောမြို့ကို သွယ်တန်းထားတဲ့ ဟိုက်ဝေး ရထားလမ်းကြား ရတနာဂီရိကား တစ်ထောက်နားခရီး ဖြစ်လို့နေပါပြီ။ ကမ္ဘာကျော် ဂိုအာကမ်းခြေသို့ အလည် ထွက်ကြသူတိုင်း ရတနာဂီရိကို မရောက်မဖြစ် ဖြတ်သန်းသွားလာရတဲ့ ဇုန်ရပ် ဖြစ်လို့နေပါပြီ။

သီပေါမင်း

သီပေါမင်းရဲ့ သမိုင်း၊ သီပေါမင်းရဲ့ အကြောင်းအရာက ပေတစ်ချပ် စာတစ်ရွက် ထပ်မဖွဲ့ရလောက်အောင်ကို များမြောင်စွာ စာပေမျိုးစုံ ထွက်ရှိခဲ့ ထွက်ရှိနေဆဲမို့ ဒီသမိုင်း ဒီအကြောင်းအရာကို ချန်လှပ်ထားပါရစေ။ သီပေါမင်းရဲ့ ဖြစ်စဉ် အကျဉ်းမျှကိုသာ ဖော်ပြပါမယ်-

သီပေါမင်းရဲ့ ဘ၀ဖြစ်စဉ် အကျဉ်း
  • ငယ်နာမည် =မောင်ပု (အချို့ကား- မောင်ရေစက်)
  • မွေးသက္ကရာဇ်= ဇန်န၀ါရီလ ၁-ရက်၊ ၁၈၅၉-ခု
  • မွေးရပ်= မန္တလေးမြို့၊ နန်းတော်တွင်း
  • မင်းဆက်= ကုန်းဘောင်မင်းဆက် (၁၁) ဆက်မြောက်
  • ခမည်းတော် =မင်းတုန်းမင်း
  • မယ်တော် =လောင်းရှည်မိဘုရား
  • နန်းတက်နှစ်= နိုဝင်ဘာလ ၆-ရက်၊ ၁၈၇၈-ခုနှစ်
  • ဘွဲ့တော် =သီရိပ၀ရ ၀ိဇယာနန္တ ယသ တိလောကာဓိပတိ ပဏ္ဍိတ မဟာဓမ္မရာဇာဓိရာဇာ
  • မိဘုရား =စုဘုရားလတ်
  • ၀န်ကြီး =ကင်းဝန်မင်းကြီး ဦးကောင်း
  • နန်းစိုက် =ရနာပုံနေပြည်တော်၊ မန္တလေး
  • နန်းစံသက် =၇-နှစ်နှင့် ၂-လ
  • နန်းကျနှစ် =နိုဝင်ဘာလ ၂၉-ရက်၊ ၁၈၈၅ ခုနှစ်
  • ပါတော်မူနှစ်= ဇန်န၀ါရီ ၁-ရက်၊ ၁၈၈၆-ခုနှစ်
  • နတ်ရွာစံနှစ်= ဒီဇင်ဘာ ၁၉-ရက်၊ ၁၉၁၆ ခုနှစ်
  • နတ်ရွာစံအရပ်= ရတနာဂီရိ၊ အိန္ဒိယနိုင်ငံ။
ကျမ်းညွှန်း-
  • မောင်ဖေငယ်၏ “ရတနာဂီရိရောက် သီပေါမင်း”
  • မောင်သန်းဆွေ(ထားဝယ်)၏ “ကုန်းဘောင်ရှင်းတမ်း”
  • ချစ်ဦးညို၏ ရတနာဂီရိအကျဉ်းသား
  • ၀ီကီပီဒိယ၊ ၀ီကီမြန်မာ/သီပေါမင်း
  • http://en.wikipedia.org/wiki/Ratnagiri
  • http://en.wikipedia.org/wiki/Thibaw_Min
မှတ်တမ်း ရတနာဂီရိ၊ မန္တလေးနန်းတွင်း၊ သီပေါမင်းနှင့် စုဖုရားလတ်တို့၏ အကြောင်းအရာများကို စုံလင်စွာ ဖတ်ရှုလေ့လာလိုပါက အောက်ဖော်ပြပါလင့်များကို နှိပ်၍ ၀ပ်ဆိုက် (သို့မဟုတ်) ဘလော့ဂ် တစ်ခုချင်းဆီသို့ ရောက်ရှိပါမည်-