သင်ပုန်းခေတ်သို့ တွန်းပို့လိုက်တဲ့ မိုက်ခရိုဆော့ပ်ရဲ့ ၀င်းဒိုးအသစ်

မိုက်ခရိုဆော့ပ်က သူ့ရဲ့ အရင်းအမြစ် ဖြစ်တဲ့ Windows ကို ကွန်ပျူတာ ထုတ်လုပ်တဲ့ ကုမ္ပဏီတွေဆီ ပေးခဲ့တာ ၁၉၉၅-ခုနှစ်ကတည်းကပါ။ Dell, HP, Acer စတဲ့ ကွန်ပျူတာကုမ္ပဏီတွေက သူတို့ရဲ့ ကွန်ပျူတာ စက်လည်ပတ်မှုစနစ်အတွက် မိုက်ခရိုဆော့ပ်ကို ၀ကွက် အပ်ခဲ့ကြတယ်။ ဒါပေမယ့် ဒီအောက်တိုဘာလ ၂၆-ရက်နေ့ကျရင် သူ့ကိုယ်ပိုင် Surface သင်ပုန်းထဲမှာ Windows 8 ကို ထည့်သွင်းပြီး ရောင်းချမယ်လို့ ကြေညာလိုက်တဲ့ အခါ သို့လော သို့လော ပွက်လော ရိုက်ကုန်ပါတော့တယ်။ မိုက်ခရိုဆော့ပ်က ကတ္တီပါ လမ်းခွဲဖို့ ထွင်နေတာလား။ ဒါရိုက်တာက သရုပ်ဆောင် ၀င်လုပ်နေတာလား။ လူပြန်ဝင်စားတဲ့ ခွင်လား စသည်ဖြင့်ပေါ့။

အရင်လုပ်ဆောင်ချက်တွေက ရှင်းပါတယ်။ ကွန်ပျူတာကုမ္ပဏီတွေက ကွန်ပျူတာရဲ့ အမာထည် (Hardware) တွေကို ထုတ်လုပ်ပြီး မိုက်ခရိုဆော့ပ်ဆီက ရထားတဲ့ အပျော့ထည့် (Software) နဲ့ မောင်းနှင်လိုက်တယ်။ ဒါဆို ပြီးပြည့်စုံတဲ့ ကွန်ပျူတာ၊ ဒါမှမဟုတ် သင်ပုန်း၊ ဒါမှမဟုတ် စမတ်ဖုန်းတစ်လုံး ဖြစ်သွားပါပြီ။ အခုကျတော့ အပျော့ထည့် (Software) သာမက အမာထည် (Hardware) ဘက်ကော မိုက်ခရိုဆော့ပ်က ပူးတွဲ ထုပ်လုပ်လိုက်တော့ အမာထည် ကုမ္ပဏီတွေက ငေးမောကြည့်ရုံမှတစ်ပါး ဘာကို ရွေးရဦးမှာလဲလေ။ အသင်အပြကောင်းတဲ့ ကျောင်းဆရာက ကိုယ်ပိုင်သားသမီး မွေးလိုက်တော့ ကျန်တဲ့ရွာသားကလေးတွေ ငုတ်တုတ် မေ့သလိုပဲပါပဲလား။

ပီစီသမားအတွက် Windows 8 Pro

Windows 8 နဲ့ ပတ်သက်ရင် ဖွင့်လိုက်တာနဲ့ မိနစ်မခြား အထူးအဆန်းတွေကို ခံစားရမှာပါလို့ မိုက်ခရိုဆော့ပ်က ကြွေးကြော်ထားလေရဲ့။ တို့တစ်တွေဟာ ဒက်စတော့ (Desktop) နဲ့သာ အကျွမ်းဝင်နေသည့်တိုင် လှပ ခေတ်မီပြီး သွက်လက်နေတဲ့ အပ်စ် (app) အစီအရီ တို့ထိမျက်နှာပြင်ကြီးကို ရှုမငြီးဖွယ် မြင်တွေ့ရမှာပါ။ သင်ပုန်းလို တစ်ဖုံ၊ ဖုန်းလိုတစ်မျိုး မရိုးအောင် သုံးနိုင်တဲ့ Windows 8 ကြီးပေါ့။

Windows 8 ကို Start screen နဲ့ စတင် ဖွင့်ရပါတယ်။ ဒါကလည်း အထူးအဆန်းတော့ မဟုတ်ချေ။ ရိုးရိုး Windows မှာတုန်းက တို့တစ်တွေ သုံးနေကျ Start Menu နေရာမှာ အစားထိုးလိုက်တာပါ။ ဒါပေမယ့် Start screen ဟာ ကွန်ပျူတာဝန်းကျင် တစ်ခုလုံးကို လွှမ်းခြုံပြီး စီမံခန့်ခွဲပေးနေတဲ့ စနစ်ဆိုတာကိုတော့ မမေ့ပစ်နဲ့ပေါ့။ တို့တစ်တွေ သုံးနေတဲ့ အိုင်ကွန်အဟောင်းလေးတွေ ပျောက်ကုန်ပြီလားဆိုတဲ့ အစိုးရိမ်စိတ်လည်း မလွန်ကဲနဲ့ဦး။ ဒီဟာလေးတွေ ဆက်ရှိနေမှာပါ။ အဲ.. Windows 8 ပီပီ အထူးအဆန်းလေးတော့ တီထွင်ထားရတာပေါ့။ Start screen မျက်နှာပြင်မှာ ပေါလော စီတန်းနေတဲ့ အိုင်ကွန်လေးပေါ်သာ တို့ထိပေးလိုက်ပါ။ ဖွင့်တိုင်း ပွင့်လာတဲ့ အပ်စ် (apps) တွေကို သဘာဝအတိုင်း မြင်တွေ့ ခံစားရမှာပါ။ အထူးသဖြင့် တို့ထိ မျက်နှာပြင်ကိုသာ တို့ထိလိုက်မယ် ဆိုရင်ပေါ့။ အဟောင်းကို စွန့်မပစ်မီ အသစ်ဆီ ချဉ်းကပ်တဲ့ နေရာမှာ ပါးပါးနပ်နပ် သုံးနိုင်ရေး အကူးအပြောင်းလေးတွေတော့ ထည့်သွင်းပေးထားပါတယ်။

Windows တော်လှန်ရေးခေတ်မှာ အသုံးပြုတွေအတွက် ၂-မျိုး ၂-ဖုံ တွေ့ကြုံခံစားရမှာပါ။ Windows 8 ဟာ မျက်နှာပြင်တစ်ဖက်တည်းနဲ့ လုံးဝဥဿုံ ပြီးပြည့်စုံတဲ့ စက်လည်ပတ်မှုစနစ်ဆီ ဦးတည်ထားတယ်။ မောက်စ် (Mouse) အသုံးချရတဲ့ PC စနစ်ဟောင်းကနေ ထိန်းညှိစရာမလိုပဲ အလိုလို တို့ထိလို့ရတဲ့ စနစ်သစ် အသုံးချခေတ်ဆီသို့ပေါ့။ ရာသီဥတုသုံး အပ်ပ် (App) မှသည် မောက်စ်ကို သုံးပြီးမှ စာရင်းဇယား ဆွဲလို့ ရတဲ့ Excel တိုင်အောင် အတို့အထိကလေးနဲ့ သုံးလို့ ရနေပါပြီ။ ဒီဆန်းသစ်မှုတွေကို ဘယ်အတိုင်းအတာထိ ဆွဲဆောင်နိုင်သလဲဆိုရင် အက်ပယ်လ်ကတောင် အိုင်ပက်အတွက်ဆိုပြီး ချဉ်းကပ်လာရတာပါပဲ။

Windows အသစ်မှာ သုံးထားတဲ့ Start-screen

ဒွန်တွဲ-ပတ်ဝန်းကျင် ဗျူဟာကို ထိန်းသိမ်းသည့်အနေဖြင့် မိုက်ခရိုဆော့ပ်က သမာရိုးကျ ပီစီသုံးသူတွေရဲ့ အတွေး (ရှေ့သို့ ခုန်ပျံကျော်လွှားရမလား၊ နောက်သို့ ပြန်ဆုတ်ရမလား) ဇဝေဇ၀ါ မဖြစ်အောင် နည်းလမ်း ၂-သွယ်နဲ့ လုပ်ဆောင်ပေးထားပါတယ်။ ရှေးခေတ် စနစ်ဟောင်းသမားတွေက ကီးဘုတ်နဲ့ မောက်စ်ကို တွဲသုံးနိုင်သလို၊ ခေတ်ပြေး အသစ်သမားတွေလည်း တို့ထိစနစ်နဲ့ သုံးနိုင်ပါတယ်။ ဒါပေမယ့် အဟောင်းသမားအတွက် ကောင်းကွက်က မျက်နှာပြင်ကို တို့ထိခွင့် ခံစားချက်သစ် ရနိုင်ပြီး၊ အသစ်သမားတွေအတွက် ကောင်းချက်က ကီးဘုတ်နဲ့မောက်စ်ကို သုံးပြီး ရှေးထုံးမပျက် ချီတက်နိုင်ခြင်းပါ။

ဒါတင်လား မကသေးပါ။ အင်တာနက် အိတ်စ်ပလောရာ (Internet Explorer) ကိုလည်း ဗားရှင်း ၂-မျိုးနဲ့ ထည့်သွင်းပေးထားတယ်။ ပမာအားဖြင့်- Start-screen ဆိုတဲ့ apps က သာမန်ပီစီမှာ ပါမြဲဖြစ်တဲ့ standard menus, toolbars, resizing and closing တို့ဟာ မပါဝင်ပါ။ သို့တိုင် အဟောင်းစနစ်အတွက်တော့ Start menus ရှိနေဆဲပါ။ ဒက်စတော့ပ်ခေတ်တုန်းက ရှုပ်ထွေးခက်ခဲတဲ့ မိုက်ခရိုဆော့ပ်ရဲ့ ရုံးသုံး (Word, Excel, Power Point) တွေကိုလည်း အကျဉ်းချုံး ပေးထားသလို၊ အရည်အသွေးကောင်းတဲ့ Apps အဖြစ်နဲ့ ပြန်ဖာထေထားပါတယ်။ ဒီအသုံးချ ဆော့ဝဲလ်တွေကို ဘယ်အိုင်ပက်ကမှ၊ ဘယ်နောင်တော် အန်ဒရွိုက်ကမှ ထည့်သွင်းပေးမထားပါဘူး။

ဗားရှင်းအမျိုးမျိုးနဲ့ စွမ်းဆောင်ရည်များ
 ဒါပေမယ့် ခဏစောင့်ကြည့်ပါဦး။ ရှေ့ဆက် ရှုပ်ထွေးလာမယ့် အလားအလာ အများကြီး။ Windows 8 က ဗားရှင်း ၂-မျိုးနဲ့တောင် ထုတ်ထားတယ်မို့လား။ တစ်မျိုးက Intel ရဲ့ CPU သုံး ပီစီတွေအတွက် ဖြစ်ပြီး၊ နောက်တစ်မျိုးက RT လို့ ခေါ်တဲ့ ဗားရှင်းပေါ့။ စမတ်ဖုန်းနဲ့ သင်ပုန်းတွေမှာ သုံးနေတဲ့ ARM ကို ရည်ရွယ်ပြီး RT ဗားရှင်းကို ထုတ်လုပ်တာပါ။

ဒီဗားရှင်း ၂-ခုကြားမှာ မတူညီတာတွေ အများကြီးပါ။ ဆိုလိုတာက Intel ရဲ့ CPU သုံး ပီစီတွေက သင်ပုန်း/ဖုန်းမှာ သုံးတဲ့ အပ်စ် (apps) တွေကိုလည်း သုံးလို့ ရတယ်။ ဒက်စတော့ပ်မှာ သုံးနေကျ ပုံစံဟောင်းအတိုင်းလည်း သုံးလို့ ရတယ်။ ဒါပေမယ့် RT ဗားရှင်းကိုတော့ ဒက်စတော့ပ်မှာ သုံးလို့ မရဘဲ သင်ပုန်းမှာသာ သုံးလို့ ရပါတယ်။ နောက် ပြဿနာ တစ်ခုက ရုံးလုပ်ငန်းသုံး (Office) ပါ။ သင်ပုန်းတွေမှာ Office ကို သုံးနိုင်အောင် ကြိုးစားပြီး ချဲ့ထွင်ထားပေမယ့် မေးလ် ပို့တဲ့ Outlook တော့ မပါရှာဘူး။ သင်ပုန်းသုံး အသုံးချ အပ်စ် (apps) အသစ်အသစ် မှန်သမျှကို ဒေါင်းယူပြီး သုံးလို့ ရပါတယ်။ အိုင်ပက်မှာ သုံးသလိုမျိုးပါပဲ။

မိုက်ခရိုဆော့ပ်ဟာ သူ့ရဲ့ကိုယ်ပိုင် သင်ပုန်းကွန်ပျူတာကို ထုတ်လုပ်ရောင်းချခဲ့ပါပြီ။ ဒီသင်ပုန်းရဲ့ အတွင်းထဲမှာကော၊ ကွန်ပျူတာ၊ သင်ပုန်း၊ ဖုန်းထုတ်လုပ်တဲ့ ကုမ္ပဏီတွေအတွက်ကော Windows 8 နဲ့ Windows RT ကို မိတ်ဆက်ပေးလိုက်ပါပြီ။ ဒီ Windows ၂-မျိုးလုံးဟာ သူ့မူနဲ့သူ ကောင်းတာချည်းပါပဲ။ နောက်ဆုံးအနေနဲ့ ကောက်ချက်ချရမှာက အမာထည် (Hardware) ထုတ်လုပ်တဲ့ ကုမ္ပဏီတွေရဲ့ ရွေးချယ်မှုရယ်၊ အသုံးပြုသူ တို့တစ်တွေရဲ့ စိတ်ကြိုက် ရွေးချယ်မှုပေါ် မူတည်နေတာပါပဲ။

 Windows အသစ်မှာ စကရင်း ၂-ခြမ်း တွဲသုံးထားပုံ

Windows 8 ကို စက်သုံးမျိုးနဲ့ စမ်းသပ်ကြည့်ဖူးတယ်။ သင်ပုန်းရယ်၊ တို့ထိမျက်နှာပြင် ultrabook လက်တော့ပ်ရယ်၊ ရိုးရိုးလက်တော့ပ်ရယ်ပေါ့။ စမ်းသပ်တွေ့ရှိချက် ၅-ချက်ပေါ် မူတည်ပြီး တစ်ခုချင်းစီ သုံးသပ်ပါ့မယ်-
1.Start Screen
2.Charms and Gestures
3.Snap!
4.Apps
5.Pricing

1.Start Screen
အကြိုက်ဆုံးထဲမှာတော့ Start-screen ပါဝင်ပါတယ်။ ကြားခံကိရိယာကို သုံးပြီး ပုံဖော်ထားတဲ့ စနစ်ကို ၀င်းဒိုးဖုန်းမှာကတည်းက မိုက်ခရိုဆော့ပ်က စမ်းသပ် သုံးခဲ့ပြီ ဖြစ်တယ်။. It uses a design nicknamed "Metro,"လို့ နာမည်မှည့်ထားတဲ့ လေးထောင့်ချပ်ပြား အိုင်ကွန် ဒီဇိုင်းလေးတွေဟာ အိုင်ပက်ထက် သာနေသလို၊ အန်ဒရွိုက်ထက်လည်း ပိုကြည့်ကောင်းနေတယ်။ အကွက်တောက်လျှောက် ညှပ်ထားတဲ့ ချပ်ပြားလေးတွေဟာ အသုံးချရမယ့် Application ( Apps) တွေကို ကိုယ်စားပြုထားပါတယ်။

ဥပမာ- mail ချပ်ပြားလေးကနေ အီးမေးလ်အ၀င်အထွက်ကို ပြပေးတယ်။ photo ချပ်ပြားလေးကနေ ရိုက်ထားတဲ့ ဓာတ်ပုံရဲ့ တစ်ပုံချင်းစီ ရုပ်ပုံသေးသေးနဲ့ ပြသပေးရုံသာမက နေ့ရက်-စတဲ့ အသေးစိတ် အချက်အလက်တွေကိုလည်း စစ်ကြည့်နိုင်ပါသေးတယ်။ တန်းစီထားတဲ့ ရေပြင်ညီတန်း အခင်းအကျင်းကနေ လက်ချောင်းလေးနဲ့ scroll (ဆွဲတင်/ ဆွဲချ) လုပ်လို့ ရပါသေးတယ်။ ဒါမှမဟုတ် အရင်ဒက်စတော့ပ်ခေတ်တုန်းကလို မောက်စ်နဲ့ ဖြစ်ဖြစ်၊ ကီးဘုတ်နဲ့ ဖြစ်ဖြစ် အတင်/ အချ ဆွဲလို့ ရပါတယ်။ ပီစီသမားအတွက် မိုက်ခရိုဆော့ပ်ဝေါ့ဒ် (Word) စတဲ့ အိုင်ကွန်ဟောင်းတွေကိုလည်း Start-screen မှာ တွဲချိတ်ထားပါတယ်။ Apps လို့ ခေါ်ဝေါ်နေကြတဲ့ ကွန်ပျူတာထဲက သုံးလို့ရတဲ့ ပရိုပရမ် မှန်သမျှကို Start-screen မှာသာ ဆွဲရှာလိုက်ပါ။ စမ်းသက်ချက်အရ သုံးသပ်ရရင် ကြားခံကိရိယာ ဖြစ်တဲ့ Apps တွေရဲ့ ဒီဇိုင်းပုံဟာ လှပတယ်။ အနှိပ်၊ အရွှေ့အပြောင်း ကောင်းမွန် ချောမွေ့တယ်။ အိုင်ပက်၊ အန်ဒရွိုက်သုံး သင်ပုန်းတို့ကို ကောင်းကောင်း ယှဉ်နိုင်တယ်။

ရုံးသုံးအတွက် Microsoft Word app

2.Charms and Gestures Windows
8 ရဲ့ ဒီဇိုင်းသစ် အသွင်အပြင်သစ်ရဲ့ စွမ်းဆောင်ရည်ကို Charms (ချမ်စ်) လို့ ခေါ်တယ်။ ညာဘက်ထောင့်ကနေ ပွတ်ဆွဲလာတဲ့အခါ Charms (ချမ်စ်) ဟာ မျက်နှာပြင်ရဲ့ ညာဘက်မှာ ပေါ်လာတယ်။ တို့ထိမျက်နှာပြင် မဟုတ်တဲ့ ကွန်ပျူတာတွေမှာတော့ အပေါ်ညာဘက်ထောင့်ကို မောက်စ်နဲ့ ရွှေ့ပြီး သွားထောက်ကြည့်နိုင်ပါတယ်။ Charms (ချမ်စ်) မှာ Search, Settings, Share, Devices နဲ့ Start screen ဆီ ပြန်သွားနိုင်တဲ့ Back တို့ ပါဝင်ပါတယ်။ ဖွင့်ပြီးသုံးနေတဲ့ app တိုင်းကို Charms (ချမ်စ်) မှာ ပြသပေးတယ်။ ပြီးတော့ Charms (ချမ်စ်) ဟာ ပရင်တာ၊ နက်ဝေါ့-စတဲ့ လင့်တွေကိုလည်း ထိန်းချုပ်ပေးသလို လူမှုရေး ၀က်ဆိုက်ကနေဖြစ်ဖြစ်၊ မေးလ်ကနေဖြစ်ဖြစ် တစ်စုံတစ်ရာကို ရှယ်ယာ လုပ်ပေးနိုင်ပါသေးတယ်။

အောက်ခြေကနေ အပေါ်ဘက်သို့ ပွတ်ဆွဲလိုက်ပါက ရွေးချယ်စရာများကို ရွေးနိုင်ပါတယ်။ စကရင်းပေါ် မောက်စ်နဲ့ Right Click ထောက်ပြီး လုပ်လို့ ရသလိုပေါ့။ ဘယ်ဘက်ကနေ ညာဘက်သို့ ပွတ်ဆွဲပါက ဖွင့်ထားတဲ့ apps တွေ အလိုလို ပိတ်ပေးပါတယ်။ အတွင်းသို့ ဆွဲစိလိုက်ပါက ညာဘက်မှ ပြသထားတဲ့ အချက်အလက်တွေအားလုံး မြင်ကွင်းကနေ ပျောက်ဆုံးသွားပြီး၊ စက်ကို အဆင်သင့် ပိတ်ဖို့ရာ Start screen ပါ ပေါ်ပေးပါတယ်။

3. Snap
တစ်ပြိုင်တည်း apps ၂-ခုကို အသုံးချလိုပါက မျက်နှာပြင်ကို ခွဲထုတ်လို့ ရပါတယ်။ ဘယ်နဲ့ညာ အညီအမျှ လုပ်ဆောင်ချက် ၂-ခု ပေါ်လာလိမ့်မယ်။ ဒီမြင်ကွင်း ၂-ခုက တော်တော့ကို အသုံးဝင်ပါတယ်။ စကရင်း တစ်ခြမ်းကို ချက်တင် (Chat) ၀င်နေတဲ့အချိန်မှာ အခြားတစ်ခြမ်းကို သတင်းတို့ ဘာတို့ ကြည့်လို့ ရတာပေါ့။ တစ်နည်း ပြောရရင် ဒီဘက်အခြမ်း မိုက်ခရိုဆော့ပ်ဝပ် ဖွင့်ထားတဲ့အချိန်မှာ အခြားတစ်ခြမ်းက သတင်းထူး၊ သတင်းဦးတွေကို ကော်ပီယူလို့ ရတာပေါ့။

4. Apps
စတိုင်လ်အသစ် အသုံးချ အပ်စ်တွေဟာ ဆွဲဆောင်မှု ရှိသလို အသုံးလည်း ၀င်လှပါတယ်။ ဥပမာ- Photos app တစ်ခုထဲမှာတင် ဓာတ်ပုံ ကြည့်ရုံသက်သက် မကဘဲ ဘယ်တုန်းက ဘယ်မှာ ရိုက်ထားတယ်ဆိုတဲ့ အချက်အလက်ကို ပြသပေးတယ်။ ထို့ပြင် လူမှုရေး ၀က်ဆိုက်ဖြစ်တဲ့ Facebook မှာပဲ တင်ထားမလား၊ မပျောက်မပျက်အောင် SkyDrive မှာပဲ သိမ်းထားမလား ရသေးတယ်။ အပြည့်အစုံ လုပ်ပေးထားတယ်။ People app မှာဆို ဆက်သွယ်ရမယ့် contacts သာမက လူမှုရေး ၀က်ဆိုက်ကနေ တစ်ဆင့် လိပ်စာတွေ ဖြည့်သွင်းနိုင်ပါသေးတယ်။

Windows အသစ်မှာ ထည့်သွင်းထားတဲ့ အသုံးချ apps

Mail app ကတော့ စိတ်ကျေနပ်မှု သိပ်မရှိပါဘူး။ unified inbox မပါလို့ပါ။ unread mail, most important contacts တို့ကတော့ ပုံမှန်ပါပဲ။ သိပ်ထူးခြားမလာပါ။ Microsoft's app store မှာ တင်ထားတဲ့ သာမန် အသုံးချ app တွေကတော့ သိန်းသန်းချီပါပဲ။ ဒါပေမယ့် Kindle နဲ့ Netflix တို့မှာ သုံးနေတဲ့ အချို့ အသုံးချ apps တွေက ဖြည့်တင်းဖို့ လိုနေတာ အမှန်ပါပဲ။ အသုံးများပြီး ပေါ်ပြူလာ ဖြစ်နေတဲ့ apps တွေ ရှေ့ဆက် ဖြည့်ဆည်းပေးဦးမှာပါလို့ မိုက်ခရိုဆော့ပ်ကတော့ ၀န်ခံထားတယ်။

5.Price
Windows ၂-မျိုးနဲ့ ထွက်လာမှာပါ။
(၁) Windows RT (သင်ပုန်း / ဖုန်းတွေမှာ သုံးတဲ့ ၀င်းဒိုးစနစ်)
(၂) Windows 8 (ပရိုဖက်ရှင်းနယ်အဆင့်၊ ကွန်ပျူတာ၊ သင်ပုန်း၊ ဖုန်း အားလုံးမှာ သုံးလို့ ရတဲ့ ၀င်းဒိုးစနစ်) အွန်းလိုင်းကနေ ဒေါင်းယူရင် အမေရိကန်ဒေါ်လာ ၄၀ ($40)
DVD အချပ်နဲ့ ၀ယ်ယူရင် အမေရိကန်ဒေါ်လာ ၇၀ ($70)
Windows PC အတွက် ပရိုမိုးရှင်း (အထူးရောင်း) ကာလမှာ ၂၀၁၂-ခုနှစ်၊ ဇွန်လ ၂-ရက်နေ့ကနေ ၂၀၁၃-ခုနှစ်၊ ဇန်န၀ါရီလ ၃၁ နေ့အထိ ဖြစ်ပြီး၊ အမေရိကန်ဒေါ်လာ ၁၅ ($15) နဲ့ ဒစ်စကောင့် ပေးမှာပါ။

ဘာပဲပြောပြော မိုက်ခရိုဆော့ပ်က ဆန်းသစ်တဲ့ ခေတ်မီတဲ့ တို့ထိမျက်နှာပြင်သုံး Windows အသစ်ကို မိတ်ဆက်လိုက်ပါပြီ။ သင်ပုန်းခေတ်သို့ တွန်းပို့လိုက်တဲ့ မိုက်ခရိုဆော့ပ်ရဲ့ ၀င်းဒိုးအသစ်လို့ပဲ နာမည်တပ်ရမယ် ထင်ပါရဲ့။ အရင်ခေတ်တုန်းကလို မောက်စ်၊ ကီးဘုတ် စနစ်နဲ့ပဲ သွားသွား၊ ခေတ်ပေါ် တို့ထိမျက်ပြင်ကိုပဲ စမ်းချင်ချင် အကုန်အံဝင်တယ်ဆိုပဲ။ ဒါပေမယ့် စနစ်အကူးအပြောင်းကာလမှာ ခွင်ကျနေအောင်တော့ ကိုယ့်ကိုကို ကြိုးစားပြီး သုံးရုံမှတစ်ပါး အခြားမရှိတော့ပြီ။

မှီငြမ်း-
http://online.wsj.com/article/SB10000872396390443675404578060603341778848.html