Pages

Ads 468x60px

Labels

Dec 4, 2012

၂၀၁၂ ခုနှစ်ရဲ့ အကောင်းဆုံး စမတ်ဖုန်း ၅ လုံး




မကြာမီ ခရစ်နှစ် တစ်နှစ် ပြန်လည်ပြီး ကုန်ဆုံးပါတော့မည်။ နှစ်ကုန်လ ဖြစ်တဲ့ ဒီဇင်ဘာဟာ ကျောင်းပိတ်ရက်၊ ရုံးပိတ်ရက် ဖြစ်သဖြင့် ပြည်သူများ အားလပ်ရက် ရကြသည်။ ဒီအားလပ်ရက်မှာ အလဟဿ မဖြစ်အောင် တစ်မျိုးမျိုးဖြင့် အသုံးချကြသည်။ အနီးအဝေး အပန်းဖြေခရီး ထွက်ကြသူများ ရှိသလုို ဈေးဝယ်ထွက်ကြသူများလည်း ရှိတယ်။ ဈေးဝယ်ထွက်တာကုိုပဲ အပန်းဖြေခြင်း တစ်မျိုးလုို့ ခံယူထားတဲ့သူတွေလည်း အများသားလား။
နှစ်ကူးခါနီးကာလမှာ ဈေးဝယ် (ရှော့ပင်းမောလ်) ထွက်တာ အတန်ဆုံးလုို့ ပြောကြပါတယ်။ ဘာလုို့လဲဆုိုတော့ တစ်နှစ်တာ ထုတ်လုပ်ထားသည့် ကုန်ပစ္စည်းမျိုးစုံ၊ လူ့အသုံးအဆောင် မျိုးစုံတုို့ကုို ဈေးဆုိုင်၊ မောလ်၊ ပလာဇာတွေကအတန်အသင့် ဈေးနှုန်းချကာ လျှော့ဈေးနဲ့ ရောင်းချကြတယ်။ ၀ယ်ယူသုံးစွဲသူများကလည်း ဈေးနှုန်းအသင့်တင့်လည်းဖြစ်၊ မိမိစိတ်ကြိုက်လည်း ဖြစ်သည့် ထုတ်ကုန်မျိုးစုံတုို့ကုို လျှော့ဈေးပေါ် မူတည်ပြီး အလုအယက် ၀ယ်ယူကြသည်။
အလုအယက် ၀ယ်ယူကြတဲ့ ထုတ်ကုန်ပစ္စည်းတွေထဲမှာ မုိုဘုိုင်းဖုန်းလည်း ပါဝင်ပါတယ်။ ဒီမုိုဘုိုင်းဖုန်းလောကထဲကမှ စမတ်အကျဆုံးဖြစ်တဲ့ အကောင်းဆုံး စမတ်ဖုန်း ၅ လုံးကုို ရွေးချယ် တင်ပြလုိုက်ပါတယ်။ Top 5 smartphones ပေါ့။ ၂၀၁၂ တစ်နှစ်တာ ကာလအတွင်း ထုတ်လုပ်ခဲ့သည့် အကောင်းဆုံး စမတ်ဖုန်း ၅ လုံးကုို ရွေးချယ်တာ မခက်ခဲပေမယ့် ဘယ်စမတ်ဖုန်းက သုံးစွဲသူ အများဆုံး ဖြစ်ပြီး ထိပ်ဆုံးနေရာ ရယူထားတယ် ဆုိုတာကုိုတော့ ရွေးချယ်ဖုို့ ခက်ပါတယ်။ နံပါတ်အစီအစဉ် ချဖုို့ မလွယ်ပါ။ ဒါကြောင့်လည်း zdnet ၀က်ဆုိုက်ရဲ့ ဆောင်းပါးရှင် မက်ထရူးမီလာ ကောက်နှုတ်ထားသည့် စမတ်ဖုန်း ၅ လုံး အစီအစဉ်ကုိုပဲ တန်းစီ ဖော်ပြလုိုက်ပါတယ်။
ဒီအားလပ်ရက်ကာလမှာ ထုတ်လုပ်ရောင်းချနေသည့် စမတ်ဖုန်းက အများကြီးပါ။ ဒါကြောင့်လည်း ဈေးနှုန်းလည်း သင့်၊ သုံးစွဲလည်းကောင်းတဲ့ စမတ်ဖုန်း ၁ လုံးကုို ပုိုင်ဆုိုင်ဖုို့ရာ အတော်ကြီးကုို စဉ်းစား ရွေးချယ် ၀ယ်ယူရပါတယ်။ စက်လည်ပတ်မှုစနစ်မှာတင် အုိုင်အုိုအက်စ်၊ အန်ဒရွိုက်၊ ၀င်းဒုိုး ဆိုပြီး ၃ မျိုးတောင် ကွဲသေးတယ်။ ဒီအထဲက စိတ်ကြိုက် တစ်မျိုးမျိုးကုို အရင်ရွေးချယ်ပြီးမှ စမတ်ဖုန်း ၁ လုံးကုို ၀ယ်ယူရမှာ။ အ၀ယ်မမှားဖုို့အရေး ဒီဆောင်းပါးက အထောက်အကူ ပေးလိမ့်မယ်လုို့ ယုံကြည်ပါတယ်။
၁။ အက်ပယ်လ်ရဲ့ အုိုင်ဖုန်းဖုိုက် (iPhone 5)
အက်ပယ်လ်ကုမ္ဗဏီက အုိုင်ဖုန်း-ဖုိုးအက်စ် (iPhone4s) ကနေ အသွင်အပြင် ဒီဇုိုင်းကော စွမ်းဆောင်ရည်ကုိုပါ ပြင်ဆင်ဖြည့်စွက်ထားသည့် အုိုင်ဖုန်း-ဖုိုက် (iPhone5) ကုို ထုတ်လုပ်ခဲ့တယ်။ ဒီဖုန်းကုိုတော့ ဖုန်းလောကထဲမှာ စွမ်းဆောင်ရည် အမြင့်ဆုံး စမတ်ဖုန်း ၁ လုံးလုို့ သတ်မှတ်ကြတယ်။ ဈေးနှုန်း မချိုပေမယ့် သုံးစွဲသူကုိုတော့ ကျေနပ်နှစ်သိမ့်မှု အပြည့်အ၀ ပေးနုိုင်စွမ်း ရှိပါတယ်။ ကောင်းမွန်တဲ့ ကင်မရာ၊ ရွေးချယ်စရာ အများအပြားရှိတဲ့ အသုံးချအပ်ပ် (Apps)၊ တကယ့်ကုိုစမတ်ကျလှတဲ့ စမတ်ဖုန်းပါ။
ဖုန်းကုို မောင်းနှင်ထားတဲ့ အုိုင်အုိုအက်စ်-ဆစ် (iOS 6) ကလည်း နောက်ဆုံးနည်းပညာကုို အများကြီး ထည့်သွင်းပေးထားတယ်။ ကြိုးမဲ့ အားသွင်းစနစ် မပါတာက လွဲရင်ပေါ့။အကောင်းဆုံး လုပ်ဆောင်ချက်တွေ အများကြီး ပါဝင်တယ်။ သုို့မုို့လည်း ထွက်သမျှမုိုဘုိုင်းထဲမှာ ဧကရာဇ်တစ်ပါးလုို ကြီးစုိုးနေတာပေါ့။ ငွေကြေး တတ်နုိုင်တဲ့ လူတုိုင်းက ဘယ်ဖုန်းဝယ်ရမလဲလုို့ မေးလာရင် အုိုင်ဖုန်းဖုိုက်ကုိုပဲ စာရေးသူ အမြဲ ညွှန်းလေ့ရှိတယ်။

ပထမအသုတ်အဖြစ် ရောင်းချခဲ့တဲ့ နုိုင်ငံကြီးတွေမှာ လော့ဂ်ဖုန်းအတွက် တီ-မုိုဘုိုင်း ဆင်းကဒ်ကလွဲရင် ကျန်တဲ့ ဖုန်းဝန်ဆောင်မှု ကုမ္ဗဏီတုိုင်းလုိုလုိုက အုိုင်ဖုန်းဖုိုက် (iPhone 5) ကုို ၀န်ဆောင်မှု ပေးနေပါတယ်။ အသုံးပြုတဲ့ ဆင်းကဒ်က မိုက်ခရုိုထက် သေးငယ်တဲ့ နာနုိုဆင်းကဒ် ဖြစ်ပေမယ့် အန်လော့ဂ်ဖုန်းဝန်ဆောင်မှု ပေးတဲ့ ကုမ္ဗဏီတွေက အသုံးပြုလုို့ ရအောင် ပြင်ဆင်ပေးပါတယ်။ ဖုိုး-ဂျီ အသုံးပြုဖုို့ အဆင်ပြေတဲ့အတွက် အင်တာနက် မြန်နှုန်းမြင့်ကုို အသုံးပြုနုိုင်မှာပါ။ တူး-ဂျီ၊ အက်ဂ်ျ ရုိုးရုိုးလုိုင်းတောင် ဆွဲအားကောင်းမွန်လှပါတယ်။

၂။ ဆမ်ဆောင်း ဂလက်ဇီနုတ်-၂ (Samsung Galaxy Note II)
တီ-မုိုဘုိုင်ရဲ့ ဆင်းကဒ်နဲ့ အသုံးပြုတဲ့ ဆမ်ဆောင်းဂလက်ဇီ အက်စ်-သရီး (Samsung Galaxy S III) က အကောင်းဆုံးလုို့ ထင်ရပေမယ့် တကယ့်တမ်းကျတော့ ဆမ်ဆောင်းဂလက်ဇီ နုတ်-၂ (Galaxy Note II) ကုို မမီသေးဘူး။စမတ်ဖုန်း အသုံးပြုသူတွေရဲ့ ကောက်နုတ်စုဆောင်းထားတဲ့ အချက်အလက်အရ T-Mobile ဆင်းကဒ်ကုို အသုံးပြုတဲ့ စမတ်ဖုန်းထဲမှာ ဘယ်မုိုဘုိုင်းဖုန်းကမှ ဆမ်ဆောင်းဂလက်ဇီ နုတ်-၂ (Galaxy Note II) ကုို လုိုက်မမီဘူးတဲ့။ ဒါပေမယ့် ဂလက်ဇီ နုတ်-၂ (Galaxy Note II) က ဖုန်းအရွယ်အစားအနေနဲ့ ပြောရရင် အနည်းငယ်ကြီးနေသလုို ဈေးနှုန်းကလည်း ခေါင်းခုိုက်နေပါတယ်။ သာမန်လက်လုပ်လက်စား မ၀ယ်နုိုင်တဲ့အဆင့်ပါ။ သတင်းအချက်အလက် ဦးစားပေး သုံးစွဲလုိုသူအတွက် အကောင်းဆုံး စမတ်ဖုန်းပါ။ အရွယ်အစားကြီးလုို့ ဖုန်း+သင်ပုန်း ၂-မျိုးလုံး သုံးချင်သူအတွက်တော့ ကွက်တိပါပဲ။ ဖုန်းလုို တစ်မျိုး၊ သင်ပုန်းလုို တစ်မျိုး သုံးလုို့ရတာပေါ့။

ဂလက်ဇီ နုတ်-၂ (Galaxy Note II)ဟာ ဆုံးခန်း မတုိုင်နုိုင်တဲ့ ဖုန်းနည်းပညာကုို ကန့်သတ်ချက်တစ်ခု တွန်းပေးလုိုက်သလုိုပါပဲ။ ယနေ့ထုတ်လုပ်ခဲ့သည့် အန်ဒရွိုက်စမတ်ဖုန်းထဲမှာ အမြင့်ဆုံး ကတ်သန့်ချက်ရှိတဲ့ စမတ်ဖုန်းပါ။ စက်လည်ပတ်မှုစနစ်က Android 4.1 Jelly Bean၊ စီပီယူက 1.6 GHz quad-core၊မမ်မုိုရီ 2GB၊ စကရင်းအရွယ်အစား 5.5-လက်မ၊ ရုပ်ပြအရည်အသွေးက Super AMOLED HD၊ ဓာတ်ပုံ-ကင်မရာက 8 megapixel, ၀က်ကမ်-ကင်မရာက 1.9 megapixel၊ အတွင်းသုိုလှောင်နုိုင်မှုပမာဏ 16GB ဖြစ်ပြီး၊ အပြင်က ကဒ်တွေကို 64GB အထိ စုိုက်ထည့်လုို့ ရပါတယ်။ ဘလူးတုတ်(စ်) အပါအ၀င်ပါပဲ။
ဆမ်ဆောင်းကုမ္ဗဏီ ကုိုယ်တုိုင်ကပဲ ဖြစ်ဖြစ်၊ အခြားဖုန်းကုမ္ဗဏီတစ်ခုက ပဲဖြစ်ဖြစ် ထုတ်လုပ်ခဲ့သမျှ စမတ်ဖုန်းထဲမှာ လောလောဆယ် အနေအထားအရတော့ နုတ်-၂ (Note II) ကုို ဘယ်သူကကမှ လုိုက်မမီသေးဘူး။
ဒီနှစ် ထုတ်တဲ့ ဂလက်ဇီ နုတ်-၂ (Galaxy Note II) ထဲမှာ အသုံးဝင်ဆုံး ကိရိယာ တစ်ခုကို ပြပါဆုိုရင် အက်စ်ပေါ်ပင်(S Pen) ကုိုပင် ညွှန်းရးမည်သာ။ နုတ်-၁ တုန်းကထက် အသုံးလည်း ၀င်တယ်။ တန်ဖုိုးလည်းရှိတဲ့ အက်စ်ပေါ်ပင်ပါ။ ပေါ်ပင်နဲ့ အသုံးပြုရတဲ့ ဆော့ပ်ဝဲလ်အချို့ကုို တုိုးချုဲ့ တီထွင်ထားတာကြောင့်လည်း ဖြစ်နုိုင်တယ်။ ဥပမာအားဖြင့် Air View ဆုိုပါစုို့၊ ဒီအဲယားဗျူးက ရွေးလုိုက်တာနဲ့ မာတိကာအစဉ်မှာ ရှိနေတဲ့ ဘယ်အရာကုိုမဆုို ပေါ်ပင်နဲ့ တုို့ထိလုိုက်ရုံလေး မိမိလုပ်လုိုသည့်ပရုိုဂရမ်တစ်ခု အလုိုလုို လုပ်ဆောင်ပေးနေပြီပေါ့။ Smart Gestures, Quick Glance နဲ့ Smart Stay တုို့ကုိုလည်း ပေါ်ပင်နဲ့ အသုံးပြုရင် ပုိုထူးလာသလုို ပုိုလည်း ကောင်းမွန်စွာ အသုံးပြုလာနုိုင်တယ်။
၃။ ဆမ်ဆောင်း ဂလက်ဇီ အက်စ်-၃ (Samsung Galaxy S III)
ဂလက်ဇီ အက်စ်-၃ (Galaxy S III) ဟာ အန်ဒရွိုက် စမတ်ဖုန်းလောကကုို ကြီးစုိုးနေတုန်းပါပဲ။ ၀ါယာလက် ၀န်ဆောင်မှုပေးတဲ့ ဖုန်းထဲမှာ အက်စ်-၃ (S III) က အမေရိကန်ရဲ့ အကြီးဆုံး ဈေးကွက်ကုို ရယူထားတယ်။ အက်စ်-၃ ရဲ့ အရည်အသွေးမြင့် နည်းပညာတစ်ချို့ နုတ်-၂ (Note-2) မှာ ပြင်ဆင်ထည့်သွင်း အသုံးပြုထားပေမယ့် S III ကတော့ ပန်းပန်လျှက်ပဲ။ ကြည့်လေ ဓာတ်ပုံ အကောင်းစားကုို ရုိုက်ကူးနုိုင်တဲ့ ကင်မရာ ရှိတယ်။ ပြီးတော့ စကားပြော ဖုန်းခွက် အဖြစ်ကော၊ အချက်အလက်တွေကို ဖန်တီးရယူလွှဲပြောင်းတဲ့ စက်အဖြစ်အကော ၂-မျိုးလုံး အသုံးဝင်တယ်။

ထောင့်ဖြတ် ၅-လက်မနီးပါး ရှိတဲ့ Super AMOLED စကရင်းကြောင့် ဂလက်ဇီ အက်စ်-၃ (Galaxy S III) ဟာ ရုပ်သံတွေကုို ညက်ညောစေပြီး၊ စကရင်း ကြီးနေပေမယ့် လက်ထဲမှာ ကုိုင်တွယ်တဲ့အခါ ကြီးမှန်းမသိတဲ့ အရသာကုိုလည်း ခံစားရမှာပါ။ အန်ဒရွိုက်နဲ့ ဆမ်ဆောင်းတုို့ရဲ့ ပူပေါင်းမှုကြောင့် အွန်းလုိုင်းမှာ အခမဲ့ဖြစ်ဖြစ်၊ ဈေးနှုန်းအနည်းငယ် ပေးရုံဖြင့် သီးချင်းတွေ၊ ရုပ်ရှင်တွေကုို မနားတမ်း နားထောင် ကြည့်ရှုနုိုင်ပါတယ်။

၎။ အိတ်စ်တီစီ အိတ်စ်အက် (HTC 8X)
HTC 8X ကုို Windows-8 စက်လည်ပတ်မှုစနစ်နဲ့ မောင်းနှင်ထားတယ်။ ပြီးခဲ့တဲ့လ (နုိုဝင်ဘာလ) ကမှ အမေရိကန်တွင် စတင် ရောင်းချခဲ့တာပါ။ စမတ်ဖုန်းထဲမှာ ဒီဇုိုင်း အလှဆုံးလုို့ ပြောနုိုင်တယ်။ ချောမွေ့တောက်ပြောင်နေတဲ့ အသွင်အပြင်၊ ရဲတောက်နေတဲ့ အရောင်၊ ကျစ်လစ်တဲ့ ဖွဲ့စည်းမှုတွေကြောင့် ထွက်သမျှ စမတ်ဖုန်းထဲမှာ ဒီဇုိုင်းအမုိုက်ဆုံးလုို့ သတ်မှတ်နုိုင်တယ်။ ထောင့်ဖြတ် ၄ လက်မခွဲနီးပါး ရှိတဲ့ စကရင်းမှာ 720x1280 မီဂါပစ်ဇယ်လ် အရည်အသွေးနဲ့ဆုိုတော့ ရုပ်သံ ကြည်လင်ပြတ်သားမှာ အနှိုင်းမဲ့ပါ။
HTC ဟာ အသံပုိုင်းဆုိုင်ရာကုိုလည်း ပြင်ဆင်ထားပါတယ်။ သီချင်း နားထောင်တဲ့အခါ၊ သူငယ်ချင်းတွေနဲ့ စကားစမြည် ပြောတဲ့အခါ (ချက်တင် ၀င်တဲ့အခါ) အသံကြည်လင်မှု၊ အသံ အတုိုးအလျှော့ စတာတွေကုို နားကြပ် (မုိုက်ခရုိုဖုန်း) နဲ့တင် ပြင်ဆင်လုို့ ရပါတယ်။ ၀က်ကမ်-ကင်မရာကုိုတော့ 2.1 megapixel နဲ့ သုံးထားတယ်ဆုိုတော့ ဒီကင်မရာနဲ့တောင် အကောင်းစား ဓာတ်ပုံ ရုိုက်လုို့ ရပါတယ်။
Windows 8 နဲ့ မောင်းနှင်ထားတဲ့ ဖုန်းမုို့လုို့ ထင်ပါ့၊ အရင်Windows 7 နဲ့ မောင်းနှင်ထားတဲ့ ဖုန်းတွေထက် အများကြီး သာတယ်။ စက်လည်ပတ်မှုစနစ် မြန်တယ်။ အတုို့အထိတွေ သွက်လက်တယ်။ ထွက်သမျှ ၀င်းဒုိုးဖုန်းထဲမှာ ဒီထက်ကောင်းတာ ရှာလုို့ မတွေ့သေးဘူးဆုိုတာ ၀န်ခံရပါမယ်။ ကစ်ကော်နာလုို့ ခေါ်တဲ့ လုပ်ဆောင်ချက် တစ်ခုကုိုလည်း အတွေးကောင်းကောင်းနဲ့ တီထွင်ထားတယ်။ မိမိရဲ့ဖုန်းကုို ကလေးတွေ ကုိုင်တွယ်တဲ့အခါမှာ မိမိကုို အသိပေးတဲ့ လုပ်ဆောင်ချက်ပါ။ ဈေးနှုန်းကလည်း ချိုသာလွန်းပါတယ်။ အမေရိကန် လော့ဂ်ဖုန်းတွေအတွက် အမေရိကန်ဒေါ်လာ ၁၅၀ ထဲပါ။
၅။ နုိုကီယာ လူမီယာ-၉၂၀ (Nokia Lumia 920)
ဝင်းဒုိုးဖုန်းကုို နုိုကီယာက စတင်ခဲ့တာပါ။ လူမီယာ နာမည်နဲ့ပေါ့။ လူမီယာ စီးရီးများစွာ ထွက်လာခဲ့တယ်။ အခုနောက်ဆုံးပေါ်က Nokia Lumia 920 ဖုန်းပါ။ ဒီဖုန်းဟာ Lumia 900 ကုို အခြေခံပြီး ပြင်ဆင်ဖြည့်စွက်ထားတဲ့ စမတ်ဖုန်းလုို့ ပြောကြတယ်။ ကံမကောင်း အကြောင်းမလှစွာ အုိုင်ဖုန်းလုိုပဲ AT&T မိုဘုိုင်းဝန်ဆောင်မှုနဲ့ပဲ သီးသန့် စာချုပ် ချုပ်ထားတယ်။ ဒါကြောင့် အခြားဆင်းကဒ် သုံးလုိုတဲ့လူတွေအတွက် ဝေးဝေးကနေ ရှောင်ရမယ့်ဖုန်း ဖြစ်နေတယ်။
အတွင်းပုိုင်းဆုိုင်ရာ ဆော့ပ်ဝဲလ်တွေနဲ့ပတ်သက်ရင် Lumia 920 က HTC 8X ထက် အများကြီး ကောင်းမွန်တယ်လုို့ သုံးသပ်နေကြတယ်။ အရောင်အသွေး စုံလင်ခြင်း၊ ကြည်လင်တောက်ပခြင်း အစစ အရာရာ ကွာခြားတယ်လုို့ သုံးစွဲတဲ့သူတွေက ကောက်ချက်ချကြတယ်။
နုိုကီယာရဲ့ မူအတုိုင်း ရုပ်ပုိုင်းဆုိုင်ရာကုိုတော့ အမြဲတန်း ရှယ်ဖြစ်အောင် ဦးစားပေး လုပ်ဆောင်ထားပါတယ်။ အလင်းတွေ တောက်ပ မနေအောင်၊ မျက်စေ့ထဲ စူးရှ မနေအောင် ဖန်တီးပေးထားတယ်။ ကင်မရာရဲ့ မှန်ဘီလူးကုို ချိန်ဆနုိုင်အောင် အပုိုလုပ်ဆောင်ချက် ထည့်သွင်းပေးထားတယ်။ ကြိုးမဲ့ အားသွင်းစနစ်၊ ရှာဖွေလုို့ရတဲ့ အသံပုိုင်းစနစ်၊ သီချင်း ရေစီးကြောင်းတွေလည်း ထည့်သွင်းပေးထားတယ်။ ၀င်းဒုိုးဖုန်းတွေထဲမှာတော့ ဘုရာတစ်ဆူလုို မင်းမူနေမှာ အသေအချာပဲ။ လော့ဂ်ဖုန်းတွေအတွက် သီးသန့်လုိုင်း ယူထားတာကုိုပဲ အပြစ်ပြောရမယ်။ အန်လော့ဂ်ဖုန်းတွေဆုိုရင်တော့ ချွင်းချက်မရှိ ပြီးပြည့်စုံတဲ့ ၀င်းဒုိုးဖုန်းလုို့ပဲ သတ်မှတ်ရမှာပါ။
အများရဲ့ စိတ်ကြိုက် ရွေးချယ် ၀ယ်ယူ အသုံးပြုနေတဲ့ အကောင်းဆုံး စမတ်ဖုန်း ၅-လုံးကုိုတော့ ဖော်ပြပေးပြီး ဖြစ်ပါတယ်။ ဒါပေမယ့် ဆောင်းပါးဖတ်သူ သင်က ကြိုက်ချင်မှ ကြိုက်မှာပါ။ သင့်စိတ်ကြိုက် စမတ်ဖုန်း တစ်မျိုးမျိုးကုိုလည်း ရွေးဝယ်ယူနုိုင်ပါတယ်။ ဒါပေမယ့် ၀ယ်ယူတော့မယ့် စမတ်ဖုန်းရဲ့အကြောင်းကုို နည်းနည်းလေးဖြစ်ဖြစ် လေ့လာသင့်ကြောင်းပါ။
မှီငြမ်း-

http://www.zdnet.com/top-5-smartphones-for-the-holiday-season-7000006858/

0 comments:

Post a Comment